'दिवाकर' : एक सच्चा राजनेता

Posted on: September 15, 2018 | views: 168

३० भदौ, नुवाकोट । तत्कालीन एकीकृत नेकपा माओवादीका उपाध्यक्ष पोष्टबहादुर बोगटी ‘दिवाकर’को चौथो बार्षिक स्मृति सभामा उहाँलाई सम्मान प्रकट गर्दै इमान्दार र शालीन नेताको  भएको बताएका छन् ।
चार वर्ष अघि २०७१ साल भदौ ३० गते हृदयघात र मस्तिष्कघातको कारण अल्पायुमा नै ज्यान गुमाउनभएका बोगटीको निधनले नेपाली राजनीति देखि राज्यको लागी ठूलो क्षति पुगेको बताउनुभयो ।

नेकपा नुवाकोटले शनिबार बान्द्रे स्थित सहित प्रतिस्ठानमा आयोजना गरेको कार्यक्रममा प्रतिनिधिसभा सदस्य एवम् नेकपाका नेता नारायणप्रसाद खतिवडाले फरक फरक पार्टीमा भएपनि आफूहरु एक अर्कालाई आफ्नो पार्टीमा भित्र्याउन प्रयासरत रहेको स्मरण गराउादै उहाँमा रहेको इमान्दारिता अहिलेको राजनीतिमा अभाव रहेको बताउनुभयो ।


चौथो स्मृति बार्षिकी सभामा नेकपाका नेताहरु हितबहादुर तामाङ, बद्री मैनाली, केशवराज पाण्डे, हिरानाथ खतिवडा, आशमायाँ तामाङ, बिमला सुवेदी, शिव खाती, लगायतले उहाँले पु¥याएको योगदान, उच्च तहमा रहदाँ पनि देखिन सरल जीवन तथा इमान्दार व्यक्तिको रुपमा चर्चा गरेका छन् ।


कार्यक्रममा नेकपा नुवाकोका सहअध्यक्ष पुष्प लामिछानेले बोगटीले पु-याएको योगदानको कारण मुलुकमा पञ्चायती शासनको अन्त्य, बहुदलीय शासन व्यवस्थाको स्थापना, जययुद्धको सफलतादेखि मओवादी पार्टीलाई हैसियत प्राप्त दलको रुपमा स्थापित गराएर निष्ठावान नेताको खडेरीलाई समेत चिर्न सफल भएको बताउनुभयो ।


नुवाकोटको साविक तुप्चे गाविस वडा नंम्बर २ को भित्रिनिटारमा २०१० साल साउन ३ गते  बुवा भैरवबहादुर बोगटी र आमा लेखकुमारी बोगटीको कोखबाट जन्मनुभएका पोष्टबहादुर बोगटी निम्न मध्यम परिवारको सदस्यको रुपमा हुर्किएर माओवादी पार्टीको उपाध्यक्ष र दुई दुई पटकसम्म मन्त्री बन्न सफल हुनुभएको यिथो ।


बुवा भैरवबहादुर बोगटीको सरल, मिलनसार र समाजसेवी कार्यबाट प्रभावित भएर पोष्टबहादुर बोगटीे सानैदेखि सामाजिक कार्यमा अभ्यस्त रहदै बितेर गएपनि धेरै छाप छोड्नुभएको छ । समाजसेवी हुँदै राजनीतिमा प्रवेश गर्नुभएका पोष्टबहादुर बोगटी राजनीतिमा पनि सरल, मिलनसार र इमान्दार तथा नैतिकवान र त्यागी नेताको रुपमा चिनिदै आउनुभएको छ ।


बोगटीका एक छोरा र दुई छोरी मध्ये छोरा रबि बोगटी विद्यार्थी राजनीतिमा सक्रिय रहेको समयमा २०५९ असार ७ गते धादिङको सत्यदेविमा तत्कालिन समयमा शाही नेपाली सेनाको निर्मम रुपमा हत्या गरेको थियो ।


राजनीतिक यात्रा र जिम्मेवारी समाजसेवीको छवि भएका बोगटीको २०३५ सालमा राजनीतिक यात्रा सुरु गर्नु भयो । भौतिक परिस्थिति, पारिवारिक, सामाजिक सबै पृष्ठभूमिले कम्युनिष्टप्रति लाग्ने प्रेरणा मिलेको बोगटीले बताउदै आउनुभएको थियो ।
चीनमा सर्वहारा साँस्कृतिक क्रान्तिका समयमा २०२५ साल आसपास आफूमा कम्युनिष्टप्रतिको आस्था बढेको बोगटीले बताउने गर्नुभएको थियो । २०३४ सालमा पुष्पलाल समूहमा संगठित भएर २०३७ सालमा संयुक्त चौथो मसालमा आबद्ध हुनुभएको थियो ।
पुष्पलाल समूहले २०३५ र २०३६ सालको आन्दोलनमा धोका दिएपछि पुष्पलाल समूह छाडेर संयुक्त चौथो मसालमा उहाँ जोडिन पुग्नुभएको हो ।


संयुक्त चौंथो महाधिवेशनसम्ममा उहाँ जिल्ला समिति सदस्य भइसक्नु भएको थियो । २०४४ सालतिर अखिल नेपाल किसान संघको अध्यक्ष भएर देशमा किसान आन्दोलनको नेतृत्व बोगटीले नै गर्नुभएको थियो ।


त्यसै समयमा बोगटीकै निर्देशनमा बारा, पर्सा, रौतहट लगायत तराइका जिल्ला र पहाडमा समेत किसानहरुको आन्दोलन अघि बढेको थियो । २०४० सालमा मसालको जिल्ला सेक्रेटरीको जिम्मेवारी उहाँले सम्हाल्नुभएको थियो ।


२०४३ मंसिरमा क्षेत्रीय ब्यूरो सदस्य, २०४४ मा केन्द्रीय सदस्य, २०४८ मा कर्णाली इन्चार्ज, यसपछि भेरी कर्णाली उपब्यूरोको इन्चार्ज, २०५३ सालमा पश्चिम ब्यूरो संगठनको इन्चार्ज हुँदैं पार्टी स्थायी समिति सदस्यका रुपमा बोगटीले जिम्मेवारी सम्हाल्नुभएको थियो ।
शान्ति प्रक्रियामा आउँदा समेत उहाँले पश्चिम कमाण्डको इन्चार्ज रही जिम्मेवारी सम्हाल्नु भएको थियो भने एकीकृत नेकपमा माओवादी बहुपदमा गएपछि पार्टीको सचिवको भुमिका निर्वाह गर्नुभएको थियो । २०६९ सालमा हेटौडामा सम्पन्न एकीकृत नेकपा माओवादीको एकताको सातौ राष्टिय महाधिवेशनमा बोगटी पार्टीको महासचिवमा सर्वसम्मत रुपमा चयन हुनुभएको थियो । त्यसपछि पहिलो पटक निर्वाचनको विधिबाट पदाधिकारी चयन हुदाँ बोगटीले १ सय ९ मत प्राप्त गरि उपाध्यक्षमा पदमा चयन हुनुभएको थियो ।


२०६२-२०६३ को जनआन्दोलनको सफलतासँगै २०६४ सालमा भएको संविधानसभाको निर्वाचनमा नुवाकोट क्षेत्र नम्बर ३ बाट उहाँ सभाषद्मा विजयी हुनुभएको थियो । संविधानसभा सदस्य हुँदै उहाँ एकीकृत नेकपा माओवादीको तर्फबाट संविधानसभामा प्रमुख सचेतक समेत रहदै आउनुभएको थियो । उहाले झलनाथ खनाल नेतृत्वको सरकार हुँदा सञ्चार मन्त्रालय सम्हाल्नु भएको थियो । त्यसलगत्तै बनेको डाक्टर बाबुराम भट्टराई नेतृत्वको सरकारमा उर्जा मन्त्रालय, संस्कृति पर्यटन तथा नागरिक उड्ययन मन्त्रालयको पनि जिम्मेवारी सम्हाल्नु भएको थियो ।


२०७० सालमा भएको दोश्रो संविधान सभाको चुनावमा भने उहाँ नुवाकोट क्षेत्र नम्बर ३ बाट दिनुभएको उम्मेदवारीमा तेस्रो स्थानमा चित्त बुझाउन बाध्य हुनुभएको थियो । पोष्टबहादुर बोगटीको राजनीतिक जीवनमा विभिन्न समयमा कठिनपूर्ण जेल जीवन पनि बिताउनुभएको थियो ।