लियो ३२५ बि १ नेपालको अध्यक्षमा नुवाकोटका रिजाल बिजयी

Posted on: April 22, 2018 | views: 899

९ बैशाख, काठमाडौ । लायन्स क्लब अन्तराष्ट्रिय, लायन्स जिल्ला ३२५ बि १, नेपाल अन्तरगतको लियो परिषद् ३२५ बि १ को अध्यक्षमा विशाल रिजाल चयन भएका छन् । क्लवको बिधान अनुरुप उनि लियो बर्ष २०१८-२०१९ का लागि नेतृत्वमा चुनिएका हुन् । उनि आबद्द लियो क्लब अफ काठमाडौ वालाजू हाईटको प्रस्ताव र अन्य बिभिन्न लियो क्लबहरुको समर्थनमा अध्यक्ष पदका लागि प्रस्तावित रिजालले वैशाख ८ गते पोखरामा सम्पन्न लायन्स तथा लियो परिषदको छैठौं महाधिवेशनमा बिधानत विश्वासको मत हासिल गरेपश्चात अध्यक्ष पद कब्जा गरेका हुन् ।

यसअघि लायन्स वर्ष २०१७-१८ मा उपाध्यक्ष पदमा पनि निर्वाचित भएका रिजाल लियो क्लब अफ काठमाडौ वालाजू हाईटमा २००९ देखि सक्रिय सदस्यका रुपमा कार्यरत छन् । उनि उक्त क्लवका पुर्व अध्यक्ष पनि हुन् ।


अध्यक्षमा चुनिएपश्चात टपनेपाल न्यूजसंग कुरा गर्दै उनले आफुले पाएको समर्थनले लियो परिषद भित्र सकारात्मक परिवर्तनमा लाग्न थप उर्जा मिलेको बताए । साथै परिषद्का ६६ ओटा क्लबमा रहेका करिब १८०० युवाहरुको जोश र जाँगरलाई कुशल नेतृत्व प्रदान गर्दै थप उर्जा सहित सामाजिक कार्यमा लाग्न आफुलाई प्रोत्साहन मिलेको उनको तर्क छ ।

काठमाडौं, काभ्रे, धादिङ्ग, मकवानपुर, तनहुँ, गोरखा, कास्की, पर्वत, म्य्याग्दी र बाग्लुङ गरि १० जिल्लामा रहेका लियो क्लवहरुको केन्द्रको रुपमा रहेको लियो डिस्ट्रिक ३२५ बि १ लाई एक बर्ष नेतृत्व गर्न गईरहेका रिजाल विदुर -०८, भैरमकोट, नुवाकोटका स्थायी बासिन्दा हुन् । डिस्ट्रिकको उपाध्यक्षमा लियो क्लब पोखरा लेकसिटीका विनायक पौडेल रहेका छन् ।