इपीएस भाषा परीक्षा असारमा ,एमआरपी अनिवार्य , कहिले र कहाँ हुन्छ परीक्षा ? (सूचीसहित)

Posted on: May 03, 2016 | views: 245

काठमाडौं,चैत २२ ।  इपीएस भाषा परिक्षा मार्फत २०१७ मा कोरिया जाने कामदार छनौटको लागि असारको ४ र ५ गते परिक्षा हुने भएको छ ।  सोमबार बसेको इपीएस-कोरिया निर्देशक समितिको बैठकले कोरिया जाने कामदार छनौटको लागि भाषा परीक्षाको मिति तोकेको हो । यसअघि असोजमा लिइँदै आएको भाषा परीक्षा (ईपीएस परीक्षा) दसैंको मुखमा परीक्षा सञ्चालन गर्दा व्यवस्थापन गर्न कठिन भएकाले अबदेखि असारमै परीक्षा सञ्चालन गरिन लागेको हो ।  कोरियामा आकषर्क कमाई हुने भएकाले जान चाहने युवाको संख्या  ठूलो मात्रामा रहदै आएको छ । 

यसका लागि बैशाखको १५ देखि १८ गतेसम्म आवेदन फारम खुला गरिने इपीएस शाखाले जनाएको छ । फरम भर्नको लागि एमआरपी अनिवार्य गरिएको छ । फारम  संकलनका लागि काठमाडौंमा ५ वटा केन्द्र राखिने र  उपत्यका बाहिर डडेलधुरा, बुटवल, पोखरा, धरान र जनकपुरमा पनि आवदेन दिन सकिने  शाखाले जनाएको छ ।

बैठकले भूकम्प अतिप्रभावित १४ जिल्लाबाट परीक्षामा उत्तीर्ण हुनेलाई प्राथमिकतामा राख्न कोरिया सरकारसँग आग्रह गर्ने निर्णयसमेत गरेको छ । यसअघि भदौमा भाषा परीक्षा लिने भनिए पनि मानव संशाधन विभाग (एचआरडी) कोरियाले चाँडै परीक्षा लिन आग्रह गरेपछि असारमा सारिएको हो । नेपाली युवाका लागि आकर्षक गन्तव्यका रूपमा चिनिएको कोरियामा हालसम्म ३५ हजार ८०० परीक्षा उत्तीर्ण गरी रोजगारीमा संलग्न छन् ।

यसवर्ष मेसिनले पढ्ने राहदानी (एमआरपी) भएकाले मात्रै आवेदन दिन पाउने व्यवस्था गरिएको छ । कुल २०० पूर्णाङ्कको प्रश्नपत्र कोरियाबाटै तयार भएर आउने र उत्तरपुस्तिका समेत एचआरडी कोरियाले नै जाँच्ने गरेको छ । कोरियाले विगत जस्तै यसपटक पनि उत्पादनमूलक र कृषि तथा पशुपालन क्षेत्रमा कामदार लैजादैछ । 

परीक्षार्थीले दरखास्तमा भरेको विवरणका आधारमा सम्बन्धित क्षेत्रमा छनोट हुनेछन् । तर भाषा परीक्षा उत्तीर्ण गर्दैमा कोरिया जाने सुनिश्चिता नहुने भएकाले दुई वर्षसम्म रोजगारदाताको मागअनुसार मात्र जान पाइने इपिएसले जनाएको छ । कोरियाले नेपालसहित १६ मुलुकबाट कामदार लिँदै आएको छ । 

विगतमा म्यानपावरबाट कामदार रोजगारीमा कोरिया जाने गरेको भएपनि म्यानपावरले बढी शुल्क उठाउन थालेपछि सन् २००७ मा नेपाल र कोरिया सरकारबीच इपिएस प्रणाली अन्तर्गत कामदार लिने सम्झौता भएको थियो । सम्झौतापछि सन् २००८ बाट नेपालमा भाषा परीक्षा सञ्चालन हुँदै आएको छ । यसअघिका वर्षमा ४० देखि ५० हजार युवाले परीक्षाका लागि आवेदन दिने गरेकामा सातदेखि आठ हजार उत्तीर्ण हुँदै आएका छन् । 

नेपालले सन् २००८ देखि कोरियामा कामदार पठाउन थालेको हो। कोरियाले नेपालसहित विभिन्न १४ वटा मुलुकबाट ईपीएस प्रणालीअन्तर्गत कामदार लिने गरेको छ।