माहाकालीमा फष्टाउदै झुप्रे मदिरा पसल

Posted on: February 03, 2018 | views: 149

पप्पु गुरुङ्ग-दोधारा । माहाकालीको भारत संग सीमा जोडिएका नेपालका ग्रामिण क्षेत्रमा मदिरा सेवन गर्न भारतीयको ओइरो लाग्न गरेको छ् । भारतको उत्तर प्रदेश तथा उत्तराखण्डको माहाकाली नगरपालिकाको सिमा नेपाली बस्तीमा मदिरा प्रयोग र बिक्री रोक्न कार्यान्वयनमा सहयोग गर्न नेपाली पक्षलाई आग्रह गरेपनी नेपाली स्थानिय प्रशासनबाट खासै प्रभावकारी कदम नचालेको स्थानियहरु बताउछन् ।

माहाकाली नगरपालिकाको कुतियाकवर, १८ नम्वर पिल्लर बस्ती, सुन्दरनगर, कञ्चनभोज, बडवाल टोलमा दैनिक दजैनौ संख्यामा भारतिय नागरिक दैनिक मदिरा पिउन सीमा क्षेत्रको नेपाली भट्टीमा आउने गरेका छन् । सिमा क्षेत्रमा नेपाली प्रशासनको खासै उपस्थिती नहुने हुदा बिहानै देखि भारतिय नागरिक नेपाली भट्टीमा लर्को लाग्ने गरेको स्थानियहरुको भनाई रहेको छ् ।  

सीमा क्षेत्रका मदिरा पसल ब्यापारिहरु दर्ता बिना नै धमाधम सन्चालनमा ल्याएका छन् । सरकारको नीति अनुसार कुनै पनि पसल सन्चालन गर्दा अनुपति पत्र लिनु पर्ने भएता पनि सीमाका ब्यापारिहरु मनपरी पसल सञ्चालन गरिरहेका छन् । सीमा क्षेत्र भन्दा ३ किलोमिटिर भित्र पसल सञ्चालन गर्न सरकारको नीति छ तर सीमा क्षेत्रको दशगजा क्षेत्रमा समेत यस्ता धैरै अवैध पसल सञ्चालनमा आउदा पनि प्रशासन मौन रहेको छ् ।

सीमा क्षेत्रमा मादक पदार्थ सेवन गरेर अपराधिक गतिबिधी बढ्ने सम्भावना बढ्ने तिब्र सम्भावना भएपनि राजनितिक दल तथा प्रहरी प्रशाशन मुकदर्शक बन्दै आएको छ् । समय समयमा अनुगमन गरी तत्काल सीमा क्षेत्रबाट अवैध मदिरा पसल हटाउनु पर्नेे स्थानीयहरुको मा“ग रहेको छ । अवैध रुपमा पसल सञ्चालन हुदा दुई देशको सम्बन्ध समेत बिग्रिरहेको स्थानीयबासीले बताएका छन् । यस्ता अवैध पसल खास गरी माहाकाली नगरपालिकाको कुतियाकवर, १८ नम्वर पिल्लर बस्ती, सुन्दरनगर, कञ्चनभोज, बडवाल टोल लगाएत नेपाल–भारत सिमा बस्तीमा सञ्चालनमा रहेका छन् ।