'जन्मभूमि' भारतीय हैकमबाद बिरुद्ध राष्ट्रको कथा बोकेको चलचित्र

Posted on: May 03, 2016 | views: 606

२१ चैत, काठमाडौं ।
राष्ट्रको वास्तविक कथा र राष्ट्रियताको विषयमा बनेको चलचित्र जन्मभूमिले प्रदर्शनको दुईदिन राम्रो व्यापार गरेको छ ।

शुक्रबारबाट देशभरका सिनेमाहलमा लागेको चलचित्रलाई मोहन निरौलाले निर्देशन गर्नुभएको छ । कथा र पटकथा समेत आफैंले लेख्नुभएका निरौलाले चलचित्र जन्मभूमिमा देशको राजनीति र देशको राष्ट्रियतामाथि भइरहेको प्रहारलाई सफल रुपमा उतार्नुभएको छ ।

राजनैतिक अतिक्रमण, थिचोमिचो, बाह्य हस्तक्षेप सहित महिला अधिकारको विषय समेटिएको चलचित्रले सिधा नबोलेपनि भारतले नेपालमाथि गर्दै आएको हस्तक्षेपको बिरोध गर्दै नेपालीलाई एकढिक्का हुन सन्देश दिएको छ ।

दूर्लभ जस्तै रहेको संस्कृत भाषालाई गितको रुपमा प्रस्तुत गरिएको चलचित्रमा सुरज गिरी निर्माता र लक्ष्मी शर्मा कार्यकारी निर्माता रहेका छन् ।

यस्तै कविता निरौला सह–निर्माता रहेको चलचित्रमा निश्मा घिमिरे, विनोद श्रेष्ठ, अनुशाह, ओम प्रतिक, केशव भट्टराई, उत्तम केसी, सगुन श्रेष्ठ, रमेश अधिकारी, बिएस लामिछाने र निर्देशक मोहन निरौलाकै पनि मुख्य अभिनय रहेको छ ।

चलचित्रमा चेतन कार्की, पुण्य निरौल र शान्तिप्रियको गीत छ भने युवराज राईको छायांकन र शंकर बिसीको नृत्य निर्देशन र विपिन मल्लले सम्पादन गरेका छन् ।
जसमा अष्ट महर्जनको द्धन्द्ध निर्देशन रहेको छ ।