११ दिने नेपाल बसाई सकेर  हृयारी स्वदेश फर्किदै

Posted on: May 01, 2016 | views: 195

१७ चैत, काठमाडौं । 
बेलायती राजकुमार ह्यारी ११ दिने नेपाल बसाई सकेर आज बेलुका स्वदेश फर्किदै छन् । गत चैत ६ गते नेपालको औपचारिक भ्रमणका लागि आएका ह्यारी बुधबार राति स्वदेश फर्किन लागेका हुन्। ह्यारी कतार एयरवेजको विमानमार्फत बुधवार राति  ९:१५ स्वदेश फर्किने कार्यक्रम छ।  ह्यारी हिजो अपरान्ह गोरखाको लापु गाविसबाट काठमाडौ आएका थिए । उनि लैनचौरस्थित बेलायती दूतावासमा बसेका थिए । बेलायती राजदबार केन्सिङ्टन प्यालेसले ह्यारीको स्वदेश फिर्तीबारे औपचारीक रुपमा केही बताएको छैन । बेलायती राजकुमार ह्यारी चैत ६ गते नेपालको औपचारिक भ्रमणमा आएका थिए । 

औपचारिक भ्रमण सकिएपछि पनि उनले आफू नेपालको सौन्दर्यबाट प्रभावित भएको र नेपाललाई अझै सहयोग गर्न चाहेको भन्दै बसाइ ६ दिन थप लम्बाएका थिए ।नेपालमा बसाइका क्रममा राजकुमार ह्यारीले राष्ट्रपति र प्रधानमन्त्रीसँग भेट गरेका थिए। यसैगरी ह्यारीले भूकम्पले क्षति पुर्याएको ललितपुरको पाटन दरबार स्क्वायर क्षेत्रसहित बर्दीया, भक्तपुर, लम्जुङ, गोरखा र पोखराको भ्रमण गरेका थिए।