जापानमा नेपाली विद्यार्थीद्धारा पार्कमा झुण्डिएर आत्महत्या

Posted on: May 09, 2017 | views: 23606

टोकियो ।

विद्यार्थीको रुपमा जापानमा रहँदै आएका एक नेपाली युवाले आत्महत्या गरेका छन् ।


नेपाल गरेर विवाह गरि आएको ४० दिनमै पोखरा राम बजार घर भएका मुकेश थापाले आत्महत्या गरेका हुन् ।


राजधानी टोकियोको हाईजिमामा बस्दै आएका तीस वर्षिय मुकेश थापा मगरले स्थानीय पार्कमा पासो लगाएर आत्महत्या गरेको उनि निकट देवेन्द्र कुँवरले टपनेपालन्युजडटकमलाई जानकारी दिए ।


आत्महत्या गरेका थापामगरको शव जापान प्रहरीले तत्काल पार्कबाट लगेपछि आत्महत्याको घटना केहीदिन बाहिर आउन पाएन ।


प्रहरीले थापामगरको बारेमा फोटो देखाउदै पहिचान गर्न नेपाली समुदायमा लगेपछि उनले आत्महत्या गरेको सार्वजनिक हुन पुगेको हो ।



नाकानो स्कुल अफ बिजिनेस सेन्मोन गाक्कोउमा एईगो बिजिनेस दोस्रो बर्ष अध्ययन गर्दै गरेको थापा मगर तीन बर्षअघि जापान आएको खुल्न आएको छ ।


यसैबीच हाईजिमा क्षेत्रका नेपालीहरुले मृतक थापामगरको शवलाई परिवारको सुझाव अनुसार जापानमै दाहसंस्कार गर्ने तयारी गरेका छन् ।