टोकियोमा राजु लामा कन्सर्टको तयारी अन्तिम चरणमा, उपस्थितिको लागि अनुरोध

Posted on: April 20, 2017 | views: 1373

टोकियो ।

जापानको राजधानी टोकियोमा पप आधुनिक गायक राजु लामाको लाईभ कन्सर्ट आयोजना गरेको काभ्रेली समाज जापानले तयारी अन्तिम चरणमा पुगेको जानकारी दिएको छ ।


अप्रिल ३० आईतबारका दिन हुन लागेको कार्यक्रमको लागि टिकट विक्रि धमाधम भइरहेको भन्दै आयोजक संस्थाका अध्यक्ष मेख लामाले सडक बालबालिकाहरुको स्वास्थ्य र शिक्षामा सहयोग गर्ने उदेश्य सहित सांस्कृतिक कार्यक्रम गर्न लागिएकाले सबैको साध र सहयोग जुटेको जानकारी दिए ।


राजधानी टोकियोमा एक मात्र कार्यक्रम हुन लागेकाले पनि नेपाली पप तथा आधुनीक गितका पारखी र राजुलामाका फ्यानहरुको आकर्षणले कार्यक्रम सफल बनाउन सहयोग मिलिरहेको लामाले बताए ।


मनोरञ्जनसँगै सामाजिक सेवाको लागि कार्यक्रम गर्न लागिएको बताइएको कार्यक्रमको लागि सामान्य तर्फ ३ हजार येन र विशेष तर्फ १० हजार येनको टिकट राखिएको छ ।


टिकट विक्रि धमाधम भइरहेको भन्दै आयोजकले समयमै टिकट लिइदिनुहुन समेत आग्रह गरेको छ ।


कार्यक्रम राजधानी टोकियोको मेगुरो कुमिन सेन्टरमा हुँदै छ । अपरान्ह ४ बजेबाट हुने कार्यक्रमको लागि गायक लामा अमेरिकाबाट जापान आउने तय भइसकेको र कार्यक्रमको तयारी अन्तिम चरणमा पुगेको आयोजकले बताएको छ ।


यसैबिच कार्यक्रम सफल बनाउन जुटीरहेको आयोजक संस्था काभ्रेली समाजका संरक्षक तथा अगुवाहरुले कार्यक्रम सफल बनाउन र उपस्थितिको लागि जापानमा रहेका सबै संघसंस्था र व्यक्तिहरुलाई अनुरोध गरेका छन् ।


युवा व्यवसायि तथा काभ्रेली समाजका संरक्षक रहनुभएका भुवन अधिकारी, समाजका संरक्षक कपिलदेव थापा सहित हवल चन्द्र लामाले काभ्रेली समाजमा आवद्ध सहित सबै संघसंस्था र व्यक्तिहरुलाई कार्यक्रम सफल बनाउन सहयोग गर्न आग्रह गर्नुभएको छ ।


सपना ग्रुपका प्रमुख समेत रहनुभएका भुवन अधिकारीले भिडियो सन्देश मार्फत जापानमा हुने गरेका सामाजिक तथा सांस्कृतिक कार्यक्रमहरुमा सबै संघसंस्था र व्यक्तिहरुले हातेमालो गरि कार्यक्रम गर्दै आएको भन्दै पहिलो पटक सामाजिक हितको लागि मनोरञ्जनात्मक तवरले गर्न लागिएको संस्थाको कार्यक्रम सफल बनाउन साथ, सहयोग र उपस्थित भइदिन आग्रह गर्नुभएको छ ।

काभ्रेली समाज जापानले आयोजना गरेको गोल्डेन विक विथ राजु लामाको यस सांगितिक कार्यक्रमको लागि काभ्रेका अगुवाहरुले गर्नुभएको अनुरोध सन्देश भिडियो सहित भोली प्रकाशित गर्नेछौं ।