सोमबार पत्रकार महासंघ जापानको अधिवेशन, तिलक मल्लको ठाउँमा नयाँ अध्यक्ष

Posted on: April 09, 2017 | views: 688

टोकियो ।

जापानमा नेपाली पत्रकारिताको जग र पत्रकारहरुको साझा संस्था स्थापनामा अग्रणी भूमिका खेलेका अध्यक्ष तिलक मल्लको ठाउँमा नयाँ अध्यक्ष सहितको कार्यसमिति चयन गर्न भोली सोमबार पत्रकार महासंघ जापान शाखाको अधिवेशन हुने भएको छ ।

नेपाली पत्रकारहरूको साझा संस्था नेपाल पत्रकार महासंघ शाखा जापानको तेस्रो अधिवेशनकै लागि भनेर नेपालबाट महासंघका केन्द्रिय अध्यक्ष डा. महेन्द्र विष्ट हिजो शनिवार जापान आइपुगेका छन् ।


केन्द्रीय अध्यक्ष बिष्टलाई जापान शाखाका अध्यक्ष तिलक मल्ल, केन्द्रीय सदस्य पवन वर्षा शाह, मोहन घले, वेलु थापा र नविन न्यौरेले स्वागत गरेका थिए । टोकियोमा हुने तेस्रो अधिवेशनको लागि सम्पूर्ण तयारी सकिएको महासंघ अध्यक्ष तिलक मल्लले जानकारी दिनुभयो ।

सर्वसम्मत नेतृत्व चयन गर्दै नेतृत्व हस्तान्तरणमा जुटेका अध्यक्ष मल्लले तीन जनाले अध्यक्ष दावेदारी देखाएको भन्दै सहमतीको प्रयास भइरहेको र सहमतीमै सक्षम भावी नेतृत्व चयन हुने विश्वास व्यक्त गर्नुभयो । नेपाल पत्रकार महासंघ जापान शाखाको नयाँ नेतृत्वको लागि मोहन घले, वेलु थापा र कविकिरण न्यौपानेले अध्यक्षको लागि उम्मेदवारी घोषणा गरेका छन् ।

जसअनुसार महासंघको जापान शाखाको कार्यकारी समितिको पदाधिकारीमा रहनका लागि एक कार्यकाल कार्यसमितिमा रही काम गरेको हुनुपर्ने प्रावधान छ । पत्रकार महासंघ शाखा जापानको तेस्रो अधिवेशनको पहलपहल बढेसंगै करिव ३ दर्जन पत्रकारहरु रहेको जापानमा भावी नेतृत्वमा को आउँछ भनेर कौतुहलता छाएको पाइएको छ ।



अन्तिम समयसम्म् सहमति भएन भने भोट हाल्नेहरुको नाम लिष्टको सार्वजनिक भैसकेको छ साथै नयाँ सदस्य र सदस्य स्थान्तरण गर्नेको हकमा केन्द्रको निर्णयलाई मान्ने सहमति भैसकेको छ ।

अधिबेशन टोकियोको शिनओकुबोस्थित आर्ट कोर्ट सभाहलमा हुने भएको छ ।

यस्तो छ अध्यक्ष दावेदार तीन जनाको भावी कार्ययोजना

मोहन घले-अध्यक्ष पदको उम्मेद्वार,नेपाल पत्रकार महासंघ जापान

नेपाल पत्रकार महासंघ शाखा जापानको अध्यक्षका प्रत्यासी मोहन घलेद्वारा प्रस्तुत संक्षिप्त कार्ययोजना नेपाल पत्रकार महासंघ, जापान शाखाको यहि अप्रिल १० तारिक सम्पन्न हुन गईरहेको निर्वाचनमा,श्रमजिवी पत्रकारहरुको नेतृत्व गर्दै मैले अध्यक्ष पदका लागि उम्मेद्वारी दिएको कुरा जानकारी गराउदछु ।

मेरो नेतृत्वको टिमले आगामी कार्यकालमा निम्नलिखित कार्यहरु प्राथमिकताका साथ गर्ने प्रतिवद्धता सहित सम्पूर्ण मित्रहरुलाई अध्यक्ष मोहन घले सहितको टिमलाई मतदान गरी विजयी गराउन हार्दिक आव्हान गर्दछु ।

१,जापानमा रहेका सकृय पत्रकारलाई संगठित गरी व्यावसायिक नेतृत्व प्रदान गर्दै उनीहरूको हक–अधिकार प्रवर्दन तथा संरक्षण गर्न क्रियाशील रहने ।

२.उत्तरदायी, मर्यादित र जिम्मेवार पत्रकारिताको संस्थागत विकासमा क्रियाशील हुदै, स्वतन्त्र प्रेसको विश्वव्यापी मर्म, मान्यता, आचरण र आदर्शलाई स्थापित गर्ने ।

३,प्रवासबाट सूचना तथा अभिव्यक्ति स्वतन्त्रताको पक्षमा क्रियाशील रहने ।

४।पत्रकारिता क्षेत्रसँग सम्बन्धित राष्ट्रिय र अन्तर्राष्ट्रिय क्षेत्रमा क्रियाशील संघ–संस्थासंग सम्बन्ध विस्तार गर्ने ।

५,पत्रकारिता क्षेत्रसँग सम्बन्धित विषयमा ,अन्तरक्रिया तथा प्रशिक्षणलगायत अन्य विभिन्न रचनात्मक गतिविधि सञ्चालन गर्ने ।

६,प्रवासबाट राष्ट्र, समाज र आमनागरिक तथा पत्रकार जगतको हितका साथै स्वच्छ पत्रकारिताको प्रवर्ध्दन लागि सक्रिय रहने ।

७,प्रवास पत्रकारीताको आधिकारिकताका लागि पत्रकार महासंघको सहयोगमा नेपाली दूतावास मार्फत पहल गर्ने ।

८,जापानमा क्रियासिल पत्रकारहरुको लागि आपतकालिन सहयोगार्थ तत्काल दुईसयमानको अक्षयकोष स्थापना गरि कोषको रकम वृद्दि गर्दै लाने ।

९, नेपाल पत्रकार महासंघ जापानलाई गैरआवासिय नेपाली संघ एनआरएनए तथा जापानमा रहेका अन्य संघ संस्थाहरूको साझा संस्थाका रूपमा स्थापित गर्ने । धन्यवाद ।

बेलु थापा-अध्यक्ष पदको उम्मेद्वार, नेपाल पत्रकार महासंघ जापान

आदरणिय पत्रकार मीत्रहरु नमस्कार अभिवादन ।

नेपाल पत्रकार महासंघ जापानको आगामी कार्यकालका लागि अध्यक्ष पदमा मैले उमेदवारी मनोनयन गरेको कुरा सहर्ष जानकारी गराउदछु । तपाईहरुलाई थाहै छ म नेपालको लामो पत्रकारिता पेशाको संग्लग्नता छोडेर परदेशिएको हुँ ।

नेपाल छोडदा बाग्लुङ साप्ताहिक र धौलागिरी दैनिकको सम्पादक थिए ,भने राजधानीमा भर्खरै शुरुभएको स्पेश टाईम दैनिकमा जोडीएको थिए । जापान प्रवेश पश्चात निरन्तर म मिडियामा प्रत्यक्षरुपमा हातेमालो गरेको बिगत छ ।

अहिले पनि मेरोसमचार डटकमसंग र जनहित न्युज डटकमसंग आवद्ध छु । मिडिया बिहीनरहेको ४५ साल यताको समय छैन मेरो । अर्थात मेरो मिडियासंगको सहकार्य अनियानोश्रीत छ भन्दा फरक पर्दैन ।

पत्रकार महासंघ जापान स्थापना भन्दा पहिले हामीले संसारभरका मिडियाकर्मीहरुलाई संगठित गर्न पहल गर्न ओन्जा बनायौ । त्यसपछि पत्रकार महासंघ स्थापना गरेको हो । म स्थापनाको जगहाल्ने कामदेखी निरन्तरसंगै छु ।

हालको कार्यसमितीको म उपाध्यक्ष हुँ । यसैले पनि म आगामी कार्यकालको लागि अध्यक्ष ज़िम्मेवारी लिन अव्वल दावी प्रस्तुत गरेको छु ।

आशा छ तपाईको सकारात्मक सहयोग र साथ सुझाव अनि सहमति कायम गर्नका निम्ति सकृय भुमीका रहने छ ।

कविकिरण न्यौपाने-अध्यक्ष पदको उम्मेद्वार – नेपाल पत्रकार महासंघ जापान

आदरर्णिय साथीहरुमा सर्व प्रथम त हृदयदेखी नै नमन गर्दछु । धेरै भूमिका नवाधि खुल्ला हृदयका साथ हजुरहरु माझ निवेदन गर्न चाहान्छु कि ।

हाम्रो देशको चौथों अङ्गको विल्ला भिरेको पत्रकार हामीहरु जापानको अधिबेशनमा कसलाई नेतृत्वमा लैजाने भनेर अवस्य सोची रहेका छौ ।

त्यसै सिलसिलामा मैले मलाई पनि हामी पत्रकारहरुको छाता संगठन पत्रकार महासंघ जापानको नेतृत्वमा रहेर काम गर्न हरेक तवरले सक्छु भन्ने आत्मा विश्वासका साथ अध्यक्षको उमेदवार बन्ने निर्णयमा पुगेको अवगत गराउन चाहान्छु ।

डेड दशक अगाडी देखी यस क्षेत्रमा लागेको म यस पेशावाट आफु र घर चलाउन नसक्ने अवस्थामा पुगेपछी जापान आउने निर्णयमा पुगेको निवेदन गर्न चाहान्छु । पत्रकारिता मात्रै गरेर त्यति वेला नेपालमा घरपरिवार चलाउन सक्ने अवस्था थिएन ।

पत्रकारिता गरेर घर परिवार चलाउन त परै जाओस , समाचार लेखेकै निहुँमा कति वेला के हुने हो थाहा हुँदैन थियो । त्यसैको शिकार वनेको मान्छे हुँ म । जुन गुगलमा गएर अहिले पनि हेर्न सक्नु हुन्छ । जुन मैले यो निवेदनको तल राखेको छु ।

यतिवेला यो क्षेत्रमा लागेर मैले कुनै आर्थिक आर्जन त गरेको छैन तर पनि म यो क्षेत्रलाई यो धर्तिमा रहुन्जेल छोडन सक्दिन, किन कि यो शरिरको नशा नशामा पत्रकारिता छ । साथीहरु ,यसै पेशा गर्दा नेपालमा मेरो मर्ने दिन आजै रहेछ भनि आश मारेको म अहिले पनि सम्झन्छु ।

पत्रकार महासंघ जापानको संस्थापक सदस्य हुदै वर्तमान पार्षद भई पत्रकार महासंघको गतिविधीमा समावेश भईरहेको तपाईहरुमा जगजायर नै छ । भावी दिनमा पनि पदमा रहेपनि नरहेपनि मेरो कृयाशिलमा कुनै कमि आउने छैन ।

अन्यमा साथीहरुले विश्वास गरेमा म महासंघको नेतृत्व गर्न सक्षम छु भन्ने लागेकोले अध्यक्षको उमेदवार भई तपाईहरु माझ आएको छु ।
हजुरहरुको जो आदेश ।