जापानमा एक नेपाली बेपत्ता ! (फोटो फिचर)

Posted on: April 05, 2017 | views: 35871

ज्याक खड्का-टोकियो ।

नेपाल बागलुंग घर भएका नेपाली पुरुष  जापानमा बेपत्ता भएका छन् ।


बागलुंग गल्कोट वडा नम्वर ३ धुस्तुगं घर भएका धन बहादुर साहानी बलदिप नामले चिनिएका ३६ बर्षिय पुरुष जापानको हिगानी मात्सुयामा तोनोयामा चो साइतामाबाट बेपत्ता भएका हुन् ।


मार्च २२ तारिख बुधवारको दिन उनि मध्यान्हसम्म साथिहरुसँग सम्पर्कमा रहेको तथा आफ्नो बुवासँग समेत सम्पर्क गरेर मोबाइल विग्रिएको बताएको उनका आफन्तजनहरुले टपनेपालन्युजडटकमलाई जानकारी दिएका छन् ।



त्यसपछि दुईदिनसम्म कुनै सम्पर्क हुन नसकेपछि सोधखोज गर्दा २५ तारिखका दिनमा आफन्तजनहरुबिच कुरा भएर २६ तारिखमा कोठामा जाँदा कोठा खुल्ला रहेको अवस्थामा भेटिएको पाइएको थियो ।


त्यसपछि सोधखोज गर्दा फेला नपरि प्रहरीकोमा उजुरी दिएपनि प्रहरीले एकहप्तापछि आफुहरुले पक्राउ नगरेको जानकारी दिएपछि सबैतिर सोधखोजका लागि अनुरोध गरिएको आफन्तजनले बताएका छन् ।



शरणार्थीको रुपमा जापानमा बस्दै आएका साहानी सन् २००९ मा कुक भिषामा जापान आएका थिए । तर तीन बर्षयता भने शरणार्थीका रुपमा बस्दै आएको बुझिएको छ ।


शरणार्थी भएकै कारण यसअघि समेत जापान प्रहरीले दुई पटक पक्रिएर त्यसै छाडेको बेपत्ता भएका धन बहादुर शाहानीले बताएको उनका आफन्तहरुले बताएका कारण प्रहरीकोमा उजुरी दिएर पत्ता लाग्ने ठानि सोधखोज गरेपनि पत्ता लाग्न नसकेको बुझिएको छ ।



प्रहरीमा उजुरी दिएकोमा नेपाली र जापानी वकिलले जापान प्रहरीमा बुझ्दा आफुहरुले पक्राउ नगरेको जवाफ दिएको आफन्जनले बताएका छन् ।


बेपत्ता भएका धन बहादुर साहानीको कोठामा पर्स नभेटिएको तर मोबाइल र पासपोर्ट भने कोठामा भेटिएको छ ।


मोबाईल सिरानीमा भेटिएको तथा पासपोर्ट सुटकेसमा भेटिएको तथा बियर एक बोतल खाएको तथा एउटा आधा अवस्थामा पाइएको छ । कोठामा दुईवटा गिलांसमा खाएको देखिए अनुसार दुईजना सँगै थिए भन्ने देखिन्छ । तर अर्को को थियो थाहा हुन सकेको छैन ।



नेपालमा एक श्रीमती दुई छोरा सहित सपरिवार रहेका साहानीबारेमा जानकारी भएको र मार्च २२ तारिख पछि देखेको वा भेटेको कोही भएमा सम्पर्क गरि सहयोग गरिदिनुहुन धनबहादुर साहानीका आफन्तजनले अनुरोध गरेका छन् ।


गैर आवासिय नेपाली संघ, तथा जापानका परिचित व्यक्तिहरुलाई यसबारेमा जानकारी गराउने प्रयास भइरहेको भन्दै बेपत्ता साहानीका आफन्तजनले सबैलाई उनको बारेमा जानकारी पाएमा ०८० ३६९४ १३५८ मा जानकारी गरेर सबैलाई यो सुचना पुर्याइदिन अनुरोध समेत गरेका छन् ।