जापानमा पारिश्रमीक नदिने कम्पनीलाई कडा कारवाहीको कानुन आउँदै

Posted on: April 04, 2017 | views: 1171

टोकियो ।

बिदेशी कामदारलाई प्रत्यक्ष लाभ पुग्नेगरि जापानी प्रधानमन्त्री सिन्जो आबेले एक कानुन ल्याउने भएका छन् ।


जापानी समाचारसंस्थाहरुका अनुसार नोभेम्बर एक देखि लागू हुनेगरि प्रधानमन्त्री आबेले एक कानून ल्याउने भएका छन् ।


आउने भनिएको उक्त कानुन अनुसार कम्पनी तथा किसानका साथै सरकारी कार्यक्रमको मातहतमा रहेका विदेशी कामदारको अधिकार सुनिश्चित गर्नेछ ।


अवैध रुपमा लामो समयसम्म काम गर्न लगाएमा तथा पारिश्रमीक नदिइ लगाएको पाइएमा त्यस्ता कम्पनीलाई कडा कारवाही गर्नेगरि नयाँ कानुन ल्याउन लागिएको हो ।


समाचारहरुमा उल्लेख भए अनुसार आउने नयाँ कानुनबाट सुरुमा कृषि तथा मत्स्य उद्योग बढी प्रभावित हुने देखिएको छ ।


जापान सरकारले पहिलो पटक ल्याउन लागेको बताइएको यो कानुनले बिदेशी श्रमीकलाई लाभ पुग्ने बताइएपछि कस्तो लाभ पुग्ने भन्ने स्पष्ट नभइसकेको र यो छिट्टै सार्वजनिक हुने बताइएको छ ।