सोना र सोनामको सौगात 'नजर जुध्यो' (भिडियो सहित)

Posted on: April 02, 2017 | views: 449

टोकियो ।
म्युजिक भिडियो मार्फत छोटो समयमै परिचित भएर परदेशीएकी मोडल सोना केसीले आफ्नै स्वर र अभिनयमा नजर जुध्यो बजारमा ल्याएकी छिन् ।

गायक तथा मोडल सुमन परियार र सोनाको आवाजमा नजर जुध्यो यु ट्युव मार्फत सार्वजनिक भएको हो ।

एकनारायण भण्डारीको जिम्मल बाको आँगनिमा बोलको गितबाट मोडलिङ् यात्रा थालेकी सोना र गायक सुमनको जोडी नजर जुध्योमा राम्रो जमेको देखिएको छ ।

बब्बु थापाको निर्देशन, दुर्गा पौडेलको छायाङ्कन र प्रबिण भट्टको सम्पादन रहेको म्युजिक भिडियो फास्ट म्युजिक ट्याकमा हुँदा यसले स्टेजमा समेत दर्शक नचाउन सफल हुने देखिएको छ ।

बिन्ध्याबासिनी म्युजिक प्रालिले बजारमा ल्याएको नजर जुध्योलाई दुई सातामा करिव ५० हजार दर्शकले हेरेका छन् ।

कुलेन्द्र बिके र टिका पुनसँगको सहकार्यमा शिरमा फुर्के रिबन बोलको पहिलो गित मार्फत सफलता पाएपनि त्यतिबेला युट्युवको त्यति प्रयोग नहुँदा प्रचारमा भने कमि आएको सोनाले स्मरण गरिन् ।

जापानमा कलाकारिताकै माध्यमबाट मोडलिंग तथा दोहोरीमा गायन पेशा गर्दै आएकी सोनाको नजर जुध्यो भने दोस्रो रेकडेर्ड गित हो ।


यद्यपी सोना र सुर्य खड्काको स्वरमा रहेको सारा सेरोफेरो तथा छाती चर चर बोलको गित पनि सार्वजनिक हुने क्रममा रहेको छ ।