टोकियोमा कन्दरा व्याण्डको लाईभ शो हुँदै

Posted on: April 02, 2017 | views: 443

टोकियो ।
नेपाली सांगितिक समुह मध्ये मोफसलको पुरानो लोकप्रिय व्याण्ड कन्दरा समुहले जापानमा पहिलो पटक आफ्नो लाईभ म्युजिक कन्सर्ट गर्ने भएको छ ।

लामो समयपछि सांगितिक क्षेत्रमा पुन लयमा फर्कीएको कन्दराले यहि अप्रिल १६ तारिखका दिन राजधानी टोकियोमा आफ्नो लाईभ कन्सर्ट गर्न लागेको छ ।

कास्की पोखरा समाज जापानको आयोजनामा हुन लागेको कार्यक्रमलाई “कन्दरा लाईभ ईन टोक्यो २०१७” नाम दिइएको छ ।

आयोजकका अनुसार कार्यक्रम ओता-कुमिन सेन्टरमा'कामता' मा हुने भएको छ ।

कास्की क्षेत्रको शिक्षा विकासमा सहयोग पुर्याउने लक्ष्य सहित गर्न लागिएको बताइएको कार्यक्तमको लागि कन्दरा लाईभमा पोखराका चर्चित गायक बिनोद बानिया पनि आउने भएका छन् ।

“माछापुच्छ्रे अन्नपुर्ण हाम्रो शान, शिक्षाको लागी कास्की पोखराको अभियान” नारा सहित हुन लागेको कार्यक्रममा कन्दरा व्याण्डले हङकङ पोखरा, लेककी हे मायाँ, वर्षौपछि, चन्चले कान्छी, डाँडा पारी, भेडीं गोठैमा लगायत दर्जन बढी आफ्ना गितहरु पस्कनेछन् ।

टोकियो लाईभको लागि बिनोद बानिया सहित कन्दरा व्याण्डका सात जना जापान आउने भएको आयोजकले बताएको छ ।

कन्दरा ब्याण्डका बिवेक श्रेष्ठ 'प्रमुख भोकलिष्ट' हर्कबहादुर थापा, अविनाश गायक, बुद्धराज गुभाजु, अमित गुरुङ र अनिल गुरुङ जापान आउने पक्का भएको बताइएको छ ।

लामो समय गुमनाम जस्तै बनेको कन्दरा व्याण्डका सदस्यहरु पुन जुर्मुराउँदै नेपाली लोकपपको आफ्नो पुरानो प्याटर्न समात्दै नयाँ गितको सिर्जना र पुनारा आफ्ना गितको संरक्षण सँगै सांगितिक यात्रामा निस्केका छन् ।

पहिलो पटक जापानमा हुन लागेको कन्दरा व्याण्डको टोकियो कार्यक्रम पुराना र नयाँ आफ्ना फ्यान तथा नेपाली लोकपप गितका पारखीहरुलाई नेपाली नयाँ बर्षको संघारमा भेटघाटसँगै सांगितिक स्वाद चाख्ने असवर बन्न पुगेको छ ।