प्रधानमन्त्री दाहालसँग पूर्व जापानी प्रधानमन्त्रीको भेट

Posted on: March 21, 2017 | views: 336

काठमाडौं ।
प्रधानमन्त्री पुष्प कमल दाहाल प्रचण्डले जापान सरकारले नँया नेपालको निमार्ण र भुकम्प पछिको पुन निमार्णमा गरेको सहयोगको सराहाना गर्नु भएको छ ।

नेपाल भ्रमणमा रहनुभएका जापानका पूर्व प्रधानमन्त्री युकियो हाटोयामा संग बालुवाटारमा आज भएको भेटमा प्रधानमन्त्री प्रचण्डले आगामी दिनमा पनि नेपाल जापान सम्बन्ध अझै प्रगाढ हुँदै जाने विश्वास व्यक्त गर्नुभएको प्रधानमन्त्रीका विदेश मामिला सल्लाहकार डा. ऋषिराज अधिकारीले जानकारी दिनुभयो ।

नेपालमा रहँदा भुकम्प प्रभावित विभिन्न स्थानहरुको भ्रमण गरिसक्नु भएका पूर्व प्रधानमन्त्री हाटोयामाले जापानी सहयोग वृद्धि गर्न आफ्नो तर्फबाट सक्दो प्रयास गर्ने बताउनुभयो ।

भेटका अवसरमा जापानका पूर्व प्रधानमन्त्री हाटोयामाले नेपालमा भईरहेको राजनीतिक घटनाक्रम सकारात्मक रुपमा अघि बढिरहेकोमा खुसी व्यक्त गर्नुभयो ।