जापानले नेपाललाई गरेको सहयोगको धन्यवाद दिंदै फेसबुकको प्रोफाइल अभियान व्यापक बन्दै

Posted on: March 11, 2017 | views: 454
टोकियो ।

जापानले नेपालको लागि गर्दै आएको सहयोगको लागि फेसबुकमा प्रोफाइल मार्फत धन्यवाद दिन चलाइएको अभियान व्यापक बनेको छ ।

फेसबुकसँगको सहकार्यमा जापानमा सुचना र सन्देशमुलक जानकारी उपलब्ध गराउँदै आएको नेपाली इन जापानको प्रयास भएको यो अभियानले केही घण्टामै व्यापकता पाएको छ ।

जापानमा रहेका दशौं हजार नेपालीहरुले सामाजिक सञ्जाल फेसबुकको प्रोफाइल फोटोमा अटोमेटिक रुपमा जोडिने जापानी भाषामा लेखिएको आरिगात्तोउ जापान अभियानमा हातेमालो गरेका छन् ।

फेसबुकमा देखिएको अपडेट योर प्रोफाइल पिक्चर विथ दिस फ्रेम फ्रम नेपाली इन जापान लेखिएको ठाउँसँगैको टइ इटमा क्लिक गरेपछि आफ्नो फेसबुकको प्रोफाइल पिक्चरमा जापानलाई धन्यवाद दिंदै तयार पारिएको व्याज देखिन्छ ।

नेपाली इन जापानले जापानमा समस्या परेका नेपालीहरुलाई सामाजिक सञ्जाल मार्फत सहयोग गर्दै आएको छ भने समस्याका समाधानका उपायबारेमा सुझाव र सहयोग गर्दै आएको छ ।

यसैगरि जापानमा बढ्दो आत्महत्या, स्वास्थ्य समस्या, रोजगार तथा अध्ययनका लागि आएका विद्यार्थीहरुलाई उपयोगी जानकारीमूलक सन्देश नियमीत प्रकाशन प्रशारण गर्दै आएको छ ।

मरिव २ लाख फेसबुक फलोअर रहेको नेपाली इन जापान जापानमा रहेका युवाहरुद्धारा सञ्चालित सहयोगी ग्रुप हो ।
यद्यपी यसले आफ्नो पूर्ण टिमबारे अहिलेसम्म सार्वजनिक गरिसकेको छैन ।

तपाई पनी यसरी जापानले नेपाललाई गर्दै आएको सहयोगको लागि धन्यवाद दिन सक्नुहन्छ

जापानले नेपालप्रति गरेका विभिन्न सहयोगप्रति धन्यवाद दर्शाउन फेसबुकसंगको सहकार्यमा नेपाली इन जापानले तयार पारेको ありがとう日本 Badge आफ्नो प्रोफाइल फोटोमा लगाउनका लागि तलको 'Try it' बटनमा थिच्नुहोस् है । गरेर सहयोग पनि गरिदिनुहुन अनुरोध गर्दछौं ।


Update your profile picture with this frame from Nepali In Japan. Try it