जापानको 'नेशनल युथ अवार्ड'बाट जिज्ञानकुमार थापा सम्मानित (फोटो/भिडियो)

Posted on: February 21, 2017 | views: 1461

टोकियो ।
जापानको सम्मानित नेशनल युथ अवार्डबाट सामाजिक काममा उच्च योगदान पुर्याएको कदर स्वरुप नेपाली युवा जिज्ञानकुमार थापा सम्मानित हुनुभएको छ ।

नेपाल र जापानबिच सम्वन्ध सुधारसँगै जापानी सरकारी निकाय र मिडियाहरुमा सुमधुर सम्वन्ध बनाउनुभएका थापा जापानका नेपालीबिच समेत परिचित हुनुहुन्छ ।

सामाजिक काममा विशेष योगदान पुर्याएबापत प्रदान गरिंदै आएको जापानको यो अवार्ड आठौं पटकमा पहिलो पटक बिदेशी नागरिकले पाएका हुन् ।

जापान सरकारले जापानका बारेमा अन्तर्राष्ट्रिय जगतमा प्रचार तथा गैरसरकारी संस्था मार्फत सामाजिक कार्यमा योगदान दिएको यसअघि नै घोषणा गरिसकिएको अवार्ड मंगलबार एक विशेष समारोहका बिच थापालाई प्रदान गरेको हो ।

यो अवार्डबाट थापासंगै अन्य चार जापानी युवाहरुले समेत पाएका छन् ।


सम्मानको अवसरमा आयोजित कार्यक्रममा जापानका लागि नेपाली कार्यवाहक राजदूत कृष्णचन्द्र अर्याल, एनआरएनए उपाध्यक्ष भवन भट्ट लगायत धेरै नेपालीहरुको सहभागीता रहेको थियो ।


सम्मान ग्रहणपछि थापाले सम्मान र सबैबाट पाएको हौसलाले नेपाल र जापान बिच लगनशिल भइ दुई देशलाई जोड्ने कुरामा अझ उत्साह मिलेको बताउनुभएको छ ।