मोहन ‘ड्रागन’ क्रक्स ७३ भिडन्तमा पराजित

Posted on: February 18, 2017 | views: 658

टोकियो ।
जापानमा रहेर व्यवसायिक किक बक्सिंग खेल्दै आएका मोहन ‘ड्रागन’ आज भएको ‘क्रक्स ७३' प्रतिस्पर्धामा पराजित भएका छन् ।

सुरुवातमै आक्रमक रुपमा प्रस्तुत भएका मोहनले पहिलो चरणमा केही अंक बटुल्नेगरि विपक्षि जापानी किक बक्सरमाथि प्रहार गरेपनि खेल सकिन केही सेकण्ड बाँकी रहँदै मैदानमा ढल्न पुग्दा पराजित बने ।

राजधानी टोकियोको टोकियो डोममा भएको खेलमा मोहनले विपक्षिमाथि गरेको प्रहार निशानामा नलाग्दा उनि छिट्टै गल्न पुगे ।

दोस्रो चरणसम्मपनि आक्रामक र रक्षात्मक दुवै हिसाबले सन्तुलित अवस्थामा देखिएका मोहन त्यसपछि भने ताकेर किक प्रहार गर्नुभन्दा नहेरीकन गरिएको प्रहारले विपक्षिको मुक्का र किक सँगै आफुले गरेको आक्रमण गलत निशानामा परिरहँदा थप गल्न पुगेको देखिन्थ्यो ।

यसअघि भएको खेलमा विपक्षि जापानी खेलाडीलाई केवल ४० सेकेण्डमै मैदानमा ढाल्दै ऐतिहाँसिक जित दर्ता गरेका मोहन यो खेलमा पराजित भएसँगै विश्व प्रसिद्ध प्रतिस्पर्धा मध्येको एक ‘के वान’मा बिजयीको रुपमा सहभागी हुन नपाउने भएका छन् ।



यद्यपी आयोजकले भने यसअघिका खेल हेरेर मोहनलाई स्वत नेपालको तर्फवाट सहभागी गराउने बताइसकेको छ ।