शनिवार मोहन ‘ड्रागन’ को ‘क्रक्स ७३' भिडन्त

Posted on: February 16, 2017 | views: 461

टोकियो ।
जापानमा किक बक्सिंगको व्यावसायिक खेल मार्फत नेपाललाई चिनाउँदै आएका मोहन ‘ड्रागन’ले यहि फेब्रुअरी १८ तारिक शनिबार अर्को रोमाञ्चक प्रतिस्पर्धात्मक भिडन्त गर्ने भएका छन् ।

पछिल्लो खेलमा केवल १४० सेकेण्डमै विपक्षि जापानी खेलाडीलाई ढाल्दै ऐतिहाँसिज जित निकालेपछि थप चर्चित बनेका मोहनले यो खेल जसरीपनि जित्नेगरि आफुले तयारी गरिरहेको बताउनुभयो ।

‘क्रक्स ७३’ नाम दिईएको ‘क्रस वेटल क्लास’ भिडन्त शनिबार साँझ सुईदोउवासी स्थित टोकियो डोमको कोराकोएन हलमा हुने भएको छ ।

७३ किलो तौल समुहमा हुन लागेको भिडन्तमा विश्व प्रसिद्ध प्रतिस्पर्धा मध्येको एक ‘के वान’मा सहभागिताका लागि मोहनले शनिवारको खेल जित्नैपर्ने हुन्छ ।

यद्यपी आयोजकले भने यसअघिका खेल हेरेर स्वत सहभागी गराउने जानकारी गराएको मोहनले बताए ।



यद्यपी शनिवार हुने खेल जितेमा मोहनले नेपालको तर्फवाट प्रतिस्पर्धाको लागि बिजयी भएर आएको खेलाडीका रुपमा सहभागी हुन पाउनेछन् हारेमा भने नेपालको तर्फवाट सहभागी खेलाडीको रुपमा मात्र सहभागीता पाउनेछन् ।