जापानमा चारतलाबाट खसेर नेपाली युवाको मृत्यु

Posted on: February 14, 2017 | views: 5826

टोकियो ।
अध्ययनका लागि जापान आएका एक नेपाली विद्यार्थीको चारतला माथिवाट खस्दा निधन भएको छ ।

जापानको दक्षिणी टापु ओकिनावामा अध्ययनरत दांग घर भएका संजिव चौधरीको घरबाट खसेर निधन भएको हो ।

चौधरीसँगै जेएसएल जापानी भाषा विद्यालयमा अध्ययनरत उनका साथिहरुले दिएको जानकारी अनुसार मंगलवार बिहान करिव २ बजेर १५ मिनेट जादाँ बस्दै आएको होस्टेलको चौथो तलामा साथिहरुसँग गफ गरेर निक्लने क्रममा उनि खसेको र उनको चौधरीको घटनास्थलमै निधन भएको हो ।

केही सामान खसेको जस्तो ठूलो आवाज आएपछि चौधरीकै साथिहरुले उनलाई भूईमा लडेको देखेका थिए । लगत्तै प्रहरी बोलाएपनि घटनास्थलमै रगताम्मे भएर निधन भइसकेको पाइएपछि अस्पताल नलगिएको बताइएको छ ।

सामान्य अवस्थामा देखिएका चौधरी करिव १ बजेराती कामबाट फर्किएका थिए । कामबाट फर्कीएर होस्टलको अर्को कोठामा साथिहरुसँग गफ गरेर फर्कीएका चौधरीको निधनको कारण खुल्न सकेको छैन ।

भाषा विद्यालय अध्ययन सक्ने तयारीमा रहेका चौधरीको निधनबारे प्रहरीले जानकारी लिने काम गरिरहेको छ । उनले आत्महत्या गरेका हुन् वा हत्या एवं असावधानिवस लड्न पुगेर निधन भएको बारे प्रहरीले अनुसन्धान गरिरहेको छ ।

मादक पदार्थ पनि सेवन नगरेका तथा सामान्य अवस्थामा देखिएका चौधरी लडेको चौथो तल्लामा उज्यालो समेत पर्याप्त रहेकाले उनको निधन लड्न पुगेर भन्दापनि असावधानि वा आफैं हाम फालेको हुनसक्ने प्रहरीले प्रारम्भिक अनुमान सहित सोधपुछ र अनुसन्धान गरिररहेको छ ।