विदेशीप्रति कडा बन्दै जापान, बढी समय काम गर्न दिएको भन्दै कम्पनी र मालिकलाई कारवाही

Posted on: February 09, 2017 | views: 299

टोकियो ।
नियम भन्दा बढी समय बिदेशीलाई काम गर्न दिएको भन्दै जापानको एक अदालतले कम्पनी र मालिकलाई कडा कारवाही गरेको छ ।

जापानको ओसाकामा अवैध रुपमा लामो समय विदेशी विद्यार्थीलाई काममा लगाएको भन्दै सुपर टामाडे नामको सुपरमार्केट चेन बजारलाई चर्को जरिवाना शुल्क तिराएको छ ।

ओसाकाको अदालतले सुपरमार्केट चेनलाई दश लाख जापानी येन र यसका प्रवन्धक मित्सुतोसी माएदालाई ४१ लाख ७०००० हजार जापानी येन जरिवाना तिराएको छ ।

सरकारी अधिकारीहरुका अनुसार सुपरमार्केटमा फिलिपिन्स, चीन, भियतनाम लगायत १२ देशका विद्यार्थीले हप्ताको २८ घण्टाभन्दा बढी समय काम गरेको पाइएपछि कारवाही गरेको हो ।

जापानमा विदेशी विद्यार्थीले हप्ताको २८ घण्टा भन्दा बढी समय काम गर्न नपाउने नियम रहेको छ ।

तर अधिकाशं विदेशी विद्यार्थीले न्युनतम समय भन्दा बढी समय काम गर्दै आएको पाइन्छ ।