बहुप्रतिक्षित चलचित्र 'लुट २' जापान शो को बुकिंग खुल्यो

Posted on: February 08, 2017 | views: 1288

टोकियो ।
फागुन १३ गतेबाट नेपालभर प्रदर्शनमा आउने भएको बहुप्रतिक्षित चलचित्र लुट २ को जापान प्रदर्शनको लागि अग्रिम टिकट बुकिंग खुल्ला गरिएको छ ।

जापानमा चलचित्र प्रदर्शनको मिति घोषणा गर्न नपाउँदै बुकिंगको लागि अनुरोध आउन थालेपछि चलचित्र प्रदर्शनको अधिकार पाएको टोक्यो ड्म्सिले समय अगावै टिकट बुकिंग खुल्ला गरेको जनाएको छ ।

दुई शो को लागि टिकट बुकिंग खुल्ला गरिएको र बुकिंग खुल्लासँगै फोन र भेटेर टिकट लिनेहरुको संख्या उत्साहजनक पाउँदा हौसिएको आयोजकले सबैमा समयमै टिकट बुकिंग गराउन अनुरोध समेत गरेको छ ।

यही फेब्रुवरी २५ शनिवार साँझ ५:३० बजे पहिलो शो देखाइने भएको छ । चलचित्र मेगुरो कुमिन हलमा देखाइने र टिकटको मुल्य ३ हजार येन मात्र राखिएको जनाएको छ ।

दोस्रो शो मार्च ५ तारिखका लागि तोकिएको छ भने टिकट दर समान तोकिएको छ ।

यसैगरि नागोया, फुकुओका, ओसाका, तोचिगि, सिजुओकामा पनि लुट २ को प्रदर्शनको लागि तयारी भइरहेको आयोजकले जनाएको छ । उल्लेखित स्थानहरुमा मिति र स्थान छिट्टै तय हुने बताइएको छ ।

जापानमा नियमीत रुपमा नेपाली चलचित्रहरु ल्याएर प्रदर्शन गराएर नेपालीमाझ नेपाली कला संस्कृति र नेपाली चलचित्र उद्योगको प्रचार गराउँदै आएको टोकियो ड्म्सिले लुट २ प्रदर्शन गर्ने भएपछि जापानमा रहेका नेपालीमाझ यस चलचित्र प्रदर्शनीको मिति पर्खाइको समय बनेको देखिएको छ ।

नेपाली चलचित्र उद्योगमा व्यापारको पहिलो रेकर्ड बनाउँदै सुपरडुपर हिट बनेको लुट चलचित्रको दोस्रो सिक्वल लुट २ चार वर्षपछि प्रदर्शनमा आउन लागेको हो ।

पछिल्लो पटक नेपाली चलचित्र उद्योगमा सबैभन्दा बढी व्यापार गरेको छक्का पञ्जाले १६ करोड कमाएको बताइरहँदा लुट २ टिमले भने आफ्नो चलचित्रले १७ करोड व्यापार गरेर रेकर्ड तोड्ने उद्घोष गरिसकेको छ ।

निश्चल बस्नेतले निर्देशन गरेको यो चलचित्रमा सौगात मल्ल, दयाहाङ राई, कर्मा, ऋचा शर्मा लगायतका कलाकारको मुख्य भूमिका रहेको छ ।

माधव वाग्ले, नरेन्द्र महर्जन र निश्चल बस्नेतले निर्माण गरेको चलचित्रको कथामा देशको बर्तमान परिस्थिती, राजनीतिक अस्थिरता, वेरोजगार आदीको कथालाई लुटको पहिलो सिक्वेल जहाँ टुंगिएको थियो त्यहिँबाट निरन्तरता सहित नयाँ ढंगमा प्रस्तुत गरिएको निर्माण पक्षले जनाएको छ ।

'LOOT 2' Grand Premier

- 25th Feb 2017 (Saturday) & 5th March 2017 (Sunday)
- 5:30pm
- Meguro Kumin Center Hall !!!

Tickets Available @:-
Takadanobaba - Namaste Nippon Restaurant.
Shinokubo - Barahi Halal Foods
- Newa Dinning Restaurant
- Nanglo Ghar Restaurant.

२५ फेव्रुरी २०१७ । ५ मार्च २०१७
५:३० बजे साँझ
मेगुरो कुमिन सेन्टर हल

टिकट पाउने स्थानहरू :-

ताकादानोबाबा :- नमस्ते निप्पोन रेष्टुरेण्ट
शिनोकुबु :- बाराही हलाल फूड्स
नेवा डाइनिंग रेष्टुरेण्ट
नॉंग्लो घर रेष्टुरेण्ट


हेर्नुहोस् ‘लुट २’को टिजर