जापानमा पत्रकारिता गरिरहेकालाई सदस्यता लिन महासंघले आवेदन खोल्यो

Posted on: February 03, 2017 | views: 290

टोकियो ।
पत्रकारिता गरिरहेकाहरुलाई महासंघमा आवद्ध हुनको लागि नेपाल पत्रकार महासंघ जापान शाखाले सदस्यता आवेदन आव्हान गरेको छ ।

नेपाल पत्रकार महासंघको केन्द्रिय महाधिवेशनलाई मध्यनजर गर्दै जापान महासंघको सदस्यता लिन चाहनले तल उल्लेखित विवरण अनुसारका कागजात सहित आवेदन दिन अनुरोध गरिएको महासघं जापान अध्यक्ष तिलक मल्लले जानकारी दिनुभयो ।
महासंघको केन्द्रिय महाधिवेशन आगामी मे को पहिलो साता हुँदै छ । नियमानुसार  त्यस अगावै जिल्ला शाखा, बैदेशिक शाखा र एसोसियट संस्थाहरुको अधिवेशन गरिसक्नुपर्ने प्रावधान रहेको छ ।

यहि फेब्रुवरी महिना भित्र रितपूर्वकको निबेदन र लाग्ने सदस्यता शुल्क ५ हजार येन सहित आबेदन महासंघको जापान शाखाका पदाधिकारीलाई बुझाउन सकिने छ ।

तोकिएको मितिभित्र प्राप्त आबेदनहरु आवश्यक छानबिन गरी महासंघको केन्द्रिय कार्यालयमा पठाईने र केन्द्रले आवश्यक प्रक्रिया पुरा गरी सदस्यता प्रदान गर्ने प्रावधान रहेको छ ।

महासंघ जापान शाखाले बुझाएका आवेदन मध्ये पत्रकार सदस्यता वितरणको अधिकार भने नेपाल पत्रकार महासंघ केन्द्रसँग रहेको छ ।

पत्रकार महासंघ जापान शाखाले पत्रकार सदस्यता लिन बाँकी जापानमा क्रियाशील पत्रकार सहित महासंघको सदस्यता लिई जापान शाखामा आबद्ध हुन र यसअघि जिल्ला वा एसोसियट संस्थाबाट सदस्यता लिईसकेका पत्रकारहरुले पनि उक्त मितिभित्रै जापान शाखामा स्थानान्तरण गर्न अनुरोध समेत गरेको छ ।

नेपाल पत्रकार महासंघको नयाँ सदस्यता लिन निम्न लिखित कागजातहरु संलग्न गर्नुपर्नेछ

१. शैक्षिक योग्यताको प्रमाणित प्रतिलिपी
२. कार्यरत मिडिया संस्थाको नियुक्ति पत्रको प्रमाणित प्रतिलिपी
३. अनुभव खुल्ने सिफारिश पत्र 'शैक्षिक योग्यता एसएलसी भए ३ वर्षको, प्रमाणपत्र भए २ वर्षको, स्नातक वा सो भन्दा माथिको भए १ वर्षको'
४. रेसिडेन्स कार्डको प्रतिलिपी
५. गएको वर्षमा प्रकाशित, प्रसारित समाचार सामग्रीको प्रतिलिपी