अमेरिकापछि जापानद्धारा सात देशका नागरिकमाथि कडा निर्णय

Posted on: January 31, 2017 | views: 3939

जापान ।
अमेरिकाले मुश्लिम र आतंकवादी क्रियाकलाप भएका भन्दै सात देशका नागरिकलाई अमेरिका छिर्न रोक लगाए लगत्तै जापानले पनि उस्तै प्रकारको नयाँ निर्णय गरेको छ ।

जापानले अमेरिकाले नै प्रवेशमा रोक लगाएका ती देशका नागरिकको यात्रामा कडाइसँगै सुरक्षा जाँच विशेष गरिने निर्णय गरेको छ ।

जापान सरकारको स्वामित्वमा रहेको जापान एयरलाइन्सले तत्कालका लागि ति देशका नागरिकलाई टिकट नबेच्ने बताइएको छ ।

अमेरिकाले इराक, सिरिया, इरान, सुडान, लीबिया, सोमालिया र यमनका मुसलमानहरुलाई अमेरिका प्रवेशमा रोक लगाएको छ । जापानले पनि यिनै देशका नागरिकलाई  संयुक्त राज्य अमेरिकाको उडानका क्रममा आफ्ना नयाँ नियम लागु गरिने बताएको छ ।

निर्णय लगत्तै सोमबारबाटै जापान एयरलाइन्सले अमेरिकाको एयरपोर्टबाट फिर्ता हुनुभन्दा उडान स्थलबाटै चेकजाँच गर्नु उत्तम हुने भन्दै यात्राका क्रममा चेकजाँच कडाइ थालेको जनाएको छ ।

एयरलाइन्सले अमेरिका उडानका क्रममा ति देशका नागरिकहरुले टिकट काटेको पाइए उनीहरुको टिकट रद्द गरिने पनि जनाएको छ ।

तर जापान एयरलाइन्सले अमेरिका बाहेक देशको यात्राका क्रममा रहेका यात्रुमाथि विशेष चेकजाँच गरिएपनि यात्रा नरोक्ने बताएको छ ।