८ बर्षदेखी बेपत्ता बहिनि खोज्न दिदिको मनछुने पत्र, दुतावास र जापानी प्रहरी के गर्दैछ ?

Posted on: January 21, 2017 | views: 3590

टोकियो ।
आफ्नो परिवारका सदस्य केही घण्टामात्रै बेखवर हुँदा हामी चिन्तित हुन्छौं । एक रात बेखवर भए हामी सोध्न र खोज्न कतै बाँकी राख्दैनौं ।

कल्पना गर्नुस् ८ बर्षसम्म परिवारको एक सदस्य बेखवर बेपत्ता हुँदा परिवारका सदस्य कति पिडा, हैरानी र भेटको प्यासमा तड्पिएको होला ?

त्यस्तै पिडाले तड्पिएको छ विगत ८ बर्षदेखी ललितपुरको बिना महर्जन परिवार । अध्ययनको लागि जापान पठाएकी छोरी सबिना बेखवर सम्पर्क बिहिन बनेपछि उनको खोजि जापानमै आएर परिवारजनले गर्यो ।

प्रहरी, प्रशासन, दुतावास, संघसंस्था, आफन्त, चिनेजानेका मात्र हैन नचिनेका सबैसँग गुहार माग्यो बेपत्ता सबिनाको पत्तो लगाइदिन । तर दुखद कुरा अहिलेसम्म कसैले पत्तो लगाउन सकेको छैन ।

अझ भनौं पत्तो लगाउन खास पहल नगर्दा पिडा बल्झंदै र याद झन ताजा बन्दै जाँदा दिदि बिना महर्जनले केही झिनो आसा राख्दै जापानमा रहेका सहित सबै नेपालीमा आफ्नो पिडा र जिज्ञासा यस्तो राख्नुभएको छ ।

नमस्ने सबै दुतावासको माननियजन,
म बिना महर्जन सबिनाको दिदी । सबिना हराएको ८ बर्ष हुँदा खेरी पनि अहिलेसम्म केही खवर आएको छैन । एम्बेसीलाई कति निबेदन पठाइसक्दा पनि अहिलेसम्म सबिना नपाउनु के प्रहरी र एम्बेसीको कमजोरी हैन ?

हामी सबिना भेट्छौं भन्ने आसैआसमा कति पिडा सहेर बसेका छौं । मेरो परिवार पनि यो कारणले गर्दा टुटिसक्नुभयो । कृपयाँ जसो टसो गरेर सबिनालाई खोजिमा सक्रियता गर्नुपर्यो । यस्तो बिकसीत देशको टेक्नोलोजि अनुसार यसरी त ढिला नहुनुपर्ने । आखिर कति मात्र कुरेर बस्ने ? कृपयाँ तपाईहरुले खोजि गर्न लगाएर हो अथवा अन्य प्रक्रियाले खोज तलासि गरिदिनुपर्यो ।

हामी प्रहरीलाई फोन गरेपनि खोजिराको छ भन्छ । आखिर यति ढिलो किन ? यदि जापानकै नागरिक हराएको भए यसरी सुस्त तरिकाले अनुसन्धान हुन्नथियो होला । यो केसमा पक्कै सड्यन्त्र छ । बिन्ति छ अब त हाम्रो मर्का बुझेर मेरो बहिनिलाई खोजेर नेपाल पठाइदिनुपर्यो ।

कृपयाँ सबिनाको खोजिको लागि हामीलाई सहयोग गरिदिनुहोला
बिना महर्जन

तिमि कहाँ छ्यौ सबिना ? ८ वर्ष देखि जापानमा बेपत्ता यि चेलीलाई भेट्नु भएको छ !