काँग्रेस समर्थक संस्था जनसम्पर्क समिति जापानको भेला यही २१ तारिखमा

Posted on: January 12, 2017 | views: 415

टोकियो ।
समानान्तर दुई समितिबाट सहमती र भागवण्डामा एकभएपछि नेपाली कांग्रेस निकट नेपाली जनसम्पर्क समिति जापानको पहिलो भेला यही जनवरी २१ तारिखमा हुने भएको छ ।

हालसम्मपनि पूर्णता नभइसकेको काँग्रेस प्रवासी संगठन जापानको आगामी भेलाले समितिलाई पूर्णता सहित गति दिने तयारी गरेको छ ।

पार्टी वरिष्ठ नेता रामचन्द्र पौडेलको जापान यात्राका क्रममा मिलाइएको समिति डीपी कँडेलको नेतृत्वमा रहेको छ ।

नेपाली काँग्रेसका केन्द्रीय सदस्य सुरेन्द्रराज पाण्डेको सहभागीतामा २१ तारिखमा समितिलाई औपचारिकता सहित पूर्णता दिइने भएको छ ।

एक बर्ष कँडेललाई नेतृत्व दिएर अर्कोबर्ष फेर्नेगरि बाँडफाँड गरिएको भनिएको नेतृत्वबारे अझैपनि जापानमा रहेका काँग्रेस समर्थकहरुबिच बिवाद देखिन्छ ।

यद्यपी नेता पौडेलको उपस्थितिमा भएको सहमती अनुसार नयाँ कार्य समितिको पदाधिकारीहरुलाई २१ तारिखको भेलाले पूर्णता दिने कँडेलको भनाई छ ।

साँझ ५ बजेबाट नेजुबुन्का सेन्टर हलमा हुने कार्यक्रममा जापानमा रहेका नेपाली काँग्रेस समर्थक र समितिका सदस्य सबैलाई उपस्थितिको लागि समेत सभापती कँडेलले आग्रह गरेका छन् ।