जापानमा मृत्यु र आत्महत्या बढेपछि समस्या र समाधान बुझ्न डा. ज्ञवालीको नेतृत्वमा समिति गठन

Posted on: January 11, 2017 | views: 1176

टोकियो ।
जापानका नेपालीमाझ परिचित डा. बिजय ज्ञवालिको नेतृत्वमा जापानमा अध्ययन, रोजगारी तथा व्यवसाय गर्दै आएका नेपालीहरुको अस्वाभाविक मृत्यु र आत्महत्याको कारण बुझ्न एक समिति गठन भएको छ ।

मृत्युका घटना निरन्तर बढेपनि सरोकारवाला नियायहरुबाट कुनै कदम नचालेको गुनासोअरु आइरहँदा गैर आवासिय नेपालीसंघ जापानले कारण र समस्या समाधानको उपाय समेत दिन डा. ज्ञवालिको नेतृत्वमा समिति गठन गरेको जनाएको हो ।

करिव ६० हजार नेपाली रहेको ठानिएको जापानमा हरेक महिना तथा केही हप्तामा अस्वाभाविक मृत्यु र आत्महत्याका घटनाहरु हुने गरेको छ ।

आशा र लक्ष्य बढी लिएर जापान आउने गरेका नेपालीहरु काम तथा जिम्मेवारीको बोझ, आर्थिक व्यवस्थापन, खानपानमा समस्या, विभिन्न खाले सम्वन्ध आदि कारणबाट अस्वाभाविक मृत्यु र आत्महत्या हुनेगरेका घटनाहरु देख्दै आएपनि अहिलेसम्म कसैलेपनि यसको विशेष अध्ययन गरेर बाहिर ल्याएको छैन ।

जापानमा रहेका नेपालीहरुको स्वास्थ्य समस्या समाधानको लागि विभिन्न कार्यक्रम तथा स्वास्थ्य शिविर समेत सञ्चालन गर्दै आउनुभएका डा. ज्ञवालिको नेतृत्वमा समिति गठन भएपछि जापानमा रहेका ेनेपालीहरुले उनिहरुका समस्या पहिचान र समधानमा यो समितिले काम गर्ने अपेक्षा गरेको पाइएको छ ।

समितिमा नेपाली राजदूतावास जापान समेतको संलग्नता रहेकाले पनि यसमा सम्वन्धित निकायहरुबाट पहल हुने ठानिएको छ ।

डा. ज्ञवालि संयोजक रहेको समितीका सदस्यहरुमा गैर आवासिय नेपाली संघ जापानका उपाध्यक्ष टासि वाङदी लामा सहित बुद्धिराज घिमिरे, जनक बिक्रम शाही, डा. प्रकाश शाक्य, आनन्द कोइराला सदस्य रहेका छन् ।

समितिको सल्लाहकारहरुमा जापानका लागि कार्यवाहक राजदुत कृष्णचन्द्र अर्याल, एनआरएन केन्द्रीय उपाध्यक्ष भवन भट्ट, एनआरएन जापानका अध्यक्ष सुदन थापा र एनआरएन जापानका सल्लाहकार जिज्ञानकुमार थापा रहेका छन् । सदस्य जिज्ञानकुमार थापाले जापानमा रहेका नेपालीहरुमाझ विशेषगरि विद्यार्थीहरुका समस्या र समाधानको क्षेत्रमा सक्रिय रहँदै सामाजिक सञ्जाल मार्फत उपयोगी र सचेतनामूलक जानकारीहरु दिदैं आउनुभएको छ ।

समितीले एक महिना भित्रमा अध्ययन तथा सुझाव प्रतिवेदन पेश गर्ने समयावधि पाएको छ ।

समितीको सुझावका आधारमा एनआरएन जापानले आकस्मिक मृत्यु तथा आत्महत्या न्युनिकरणका लागि कार्यक्रम बनाउने बताइएको छ ।

यसैबिच संयोजक ज्ञवालिले आफुलाई सुम्पिएको जिम्मेवारी इमान्दारिता पूर्वक निभाउने भन्दै आफुलाई नेपालीका समस्या पहिचान र समाधानको अध्ययनको लागि जिम्मेवारी दिएकोमा सबैलाई धन्यवाद सहित यसमा सहयोग गर्न आग्रह समेत गर्नुभएको छ ।

दुखद खवर, टोकियोमा नेपाली विद्यार्थीद्धारा आत्महत्या