जापानी भाषा वक्तित्वकला प्रतियोगिता मार्च २० मा, यसरी सहभागी बन्न सकिन्छ

Posted on: January 10, 2017 | views: 377

टोकियो ।
जापानमा नेपाली विद्यार्थीहरुबिच क्षमता देखाउने अवसरको रुपमा लोकप्रिय जापानी भाषा वक्तित्वकला यस बर्ष मार्च २० तारिखमा हुने भएको छ ।

नेपाल जापान रिसर्च सेन्टर, नेपाकेनको आयोजनामा हरेक वर्ष जापानमा हुँदै आएको प्रतियोगिता मार्च २० सोमबारका दिन हुने भएको हो ।

आयोजकहरुका अनुसार यस बर्षको वक्तित्वकला प्रतियोगितामा जापानको विश्व विद्यालयले पनि सहकार्य गएकोले प्रतियोगिता थप विशेष हुने भएको छ ।

कार्यक्रम संयोजक शंकर बराइलीले प्रतियोगिताले जापानमा रहेका नेपाली विद्यार्थीहरुको भाषाको स्तर र क्षमतामा बृद्धि गर्दै आएको छ ।

यद्यपी जापानमा नेपाली विद्यार्थीहरुले क्षमता देखाउने अवसर कम पाउने भएकाले पनि कार्यक्रमको महत्व थप बढ्दै गएको देखिन्छ ।


प्रतियोगितालाइ नेपाली राजदूतावास जापान, गैरआवासिय नेपाली संघ जापान तथा स्वयं सेवक संस्था जाइका लगायतले सहयोग गर्दै आएको छ ।

प्रतियोगितमा सहभागी हुने सबैले प्रमाण पत्र तथा एकमुष्ट ट्रेन फेयर स्वरुप २००० येन प्राप्त गर्ने छन भने प्रथम,द्वितिय र तृतिय हुनेले क्रमसस् ५०हजार, ३० हजार र २० हजार जापानी येन प्राप्त गर्ने छन् ।

दर्शकहरुको भोट बाट १ जनाले 'अडियन्स पुरस्कार', रिस्सयो बिश्व बिधालय र जाइका स्वयंम सेवक संस्था लगाएतका संस्थाहरु बाट पनि आकर्षक पुरस्कारको ब्यवस्था गरिएको छ ।

प्रतियोगितामा सहभागि वन्न चाहने विद्यार्थीहरुले तलको लिंकमा क्लिक गरेर निवेदन दिन सक्ने भन्दै आयोजकले जापानमा रहेका नेपाली विद्यार्थीहरुलाई प्रतियोगितामा सहभागी बन्न आग्रह गरेको छ ।

यहाँ क्लिक गरेर जापानी भाषा वक्तित्वकला प्रतियोगितामा आवेदन दिन सकिन्छ ।

जापान राष्ट्रब्यापी वक्तृत्वकला उपाधि शरदलाई, तेस्रो बने विष्णु