नयाँ बर्ष २०७४ मा चितवन समाज जापानको कार्यक्रम

Posted on: January 09, 2017 | views: 572

जापान ।
चितवन समाज जापानले आगामी नेपाली नयाँ बर्ष २०७४ मा सांगितिक कार्यक्रम गर्ने घोषणा गरेको छ ।

चितवन समाज कान्साई क्षेत्रीय समितिले नयाँ बर्षको अवसरमा गरिने कार्यक्रमहरुको चापलाई मध्यनजर गर्दै चार महिना बाँकी छँदै आफुले सांगितिक कार्यक्रम गर्ने घोषणा गरेको हो ।

आगामी बैशाख १ गते ओसाकामा नेपालका चर्चित गायक तथा अन्य कलाकारहरूको सभागितामा कार्यक्रम गर्न लागिएको चितवन समाजका सचिव अनुप पौडेलले बताएका छन् ।

कार्यक्रम सफल बनाउनका लागि सल्लाह तथा सुझाव सहित कान्साईका सम्पूर्ण संघ संस्थाहरुको सहयोगको अपेक्षा गरिएको समाजले जनाएको छ ।

बैशाख १ गतेका दिन आफुले कार्यक्रम गर्ने घोषणा गरेको भन्दै सचिव पौडेलले उक्त दिन अन्य कार्यक्रम राखेर नजुधाइदिन समेत सबै संघसंस्था र व्यक्तिलाई आग्रह गरेका छन् ।