ऋतुकुमार दुरा पुन लमजुङ समाज जापानको अध्यक्ष

Posted on: January 09, 2017 | views: 352

टोकियो ।
लमजुङ समाज जापानको प्रथम साधारण सभाले पुनः ऋतुकुमार दुराको अध्यक्षतामा २३ सदस्यीय कार्यसमिति चयन गरेको छ ।

हालै टोकियोमा भएको भेलाले वरिष्ठ उपाध्यक्षद्वयमा लिल गुरूङ र गुनीमाया गुरूङलाई चयन गरेको छ ।

त्यसैगरी उपाध्यक्षमा शैलेन्द्र मिश्र, महासचिवमा बुद्धिराज घिमिरे, सचिवमा दामोदर धिताल, सह९सचिवमा सोम गुरूङ, कोषाध्यक्षमा मिनराशी गुरूङ, सह९कोषाध्यक्षमा अमृता घले चयन भएका छन् ।

सदस्यहरूमा हिमाल गुरूङ, इश्वरी न्यौपाने, आवाश गुरूङ, नरेन्द्र गुरूङ, सोम गुरूङ, भरत बर्लाकोटी, गीता घले, डम्बर गुरूङ, लक्ष्मण गुरूङ, महेन्द्र न्यौपाने, सिद्धार्थ गुरूङ, रोशन गुरूङ, डिनु गुरूङ र दिलजंग गुरूङ चयन भएका छन् । यस्तैगरि समाजको सल्लाहकारमा थमवहादुर गुरूङ, गोपाल जंग घले र गीता कुमारी घले चयन भएका छन् ।

अध्यक्ष ऋतुकुमार दुराको सभापतित्वमा सम्पन्न पहिलो खुल्लासत्र कार्यक्रममा प्रमुख अतिथि थमवहादुर गुरूङ रहेका थिए ।

सभाले समाजको विधान मस्यौदामा छलफल गरी विधान पनि पारित गरेको छ ।  समाजको आर्थिक प्रतिवेदन निवर्तमान कोषाध्यक्ष मिनराशी गुरूङले प्रस्तुत गरेका थिए भने वार्षिक प्रतिवेदन निवर्तमान महासचिव बुद्धिराज घिमिरेले प्रस्तुत गरेका थिए । प्रस्तुत प्रतिवेदनउपर पनि छलफल गरी सर्वसम्मतिबाट पारित गरिएको थियो ।

कार्यक्रममा थमवहादुर गुरूङ र गुनीमाया गुरूङलाई समाजमा स्वागत तथा सम्मान गरिएको थियो ।

यसैगरि समाजले नजिकिंदै गरेको माघे सक्रान्तिको दिन लमजुङ समाज जापानको तर्फवाट भेटघाट तथा माघे संक्रान्तिको शुभकामना आदानप्रदान कार्यक्रम गर्ने भएको छ ।

जनवरी १४ तारिक शनिवार बेलुकी ७ बजेदेखि इकेवुकुरोस्थित फुलवारी डाइनिङ रेष्टुरेन्टमा कार्यक्रम आयोजना हुने भएको अध्यक्ष दुराले जानकारी दिएका छन् ।

जापानमा रहेका लमजुङेहरूको भेटघाट, आपसी भाइचारा र सम्बन्ध अझ सुमधुर गराउनको लागि माघे संक्रान्तिको दिन कार्यक्रम आयोजना गर्न लागिएको नवनियुक्त अध्यक्ष दुराको भनाई छ ।