जिवनको जिवन्त गितले रम्यो नेपाली एकता समाज जापान

Posted on: January 09, 2017 | views: 289

टोकियो ।
जन गायकको रुपमा चिनिने लोकप्रिय जिवन शर्माका गितसँगै अँग्रेजि नयाँ बर्षमा नेपाली एकता समाज जापानको कार्यक्रम सम्पन्न भएको छ ।

सांगीतिक धमाका २०१७ को नाममा भएको कार्यक्रममा शर्मा सँगै अन्य ख्यातीप्राप्त कलाकारहरु नेपालबाट आएका थिए ।

कार्यक्रममा गायक शर्मा सँगै लोक गायक विष्णु खत्री र लोकदोहोरी गायिका मुना थापा समेतको उपस्थिति रहेको थियो ।

रक्तिम साँस्कृतिक अभियानका कलाकार एवं प्रगतिशिल पत्रकार महासंघका अध्यक्ष नारायण शर्माको पनि प्रस्तुती रहेको कार्यक्रममा गायक खत्री र गायिका थापाले आफ्ना लोकप्रिय गितहरु प्रस्तुत गरेका थिए ।

कार्यक्रम डिसेम्बर अन्तिममा सिनओसाका र जनवरीमा टोकियोमा गरिएका कार्यक्रममा जापानमा रहेका स्थानिय कलाकारहरुले समेत आफ्ना गितहरु गाएका थिए ।



नेपाली पञ्चे बाजासँगै कलाकारहरुले गाएका देशभक्ति र जागरणका गितले उपस्थित नेपालीहरुले देश प्रेमका गितहरुमा मनोरञ्जन लिएका थिए ।