विशेष बन्दै 'विपुल क्षेत्री एण्ड ट्राभलिङ व्याण्ड' जापान कन्सर्ट, तयारी सकियो

Posted on: January 07, 2017 | views: 4731

गोकर्ण अधिकारी-टोकियो ।
'दार्जीलिङका गायकलाई कि कालले लान्छ कि नेपाल'ले नेपाल सिमासँगै जोडिएको दार्जीलिङ, लालिम्पोङतिर कलाकारबिच यो भनाई लोकप्रिय छ । संगित सारथी मानिने गोपाल योञ्जन देखी प्रशान्त तामाङसम्मको यात्राले पनि त्यहि भन्छ ।

पुराना नयाँ सबै संगितको धार भन्दा बिल्कुल आफ्नै नयाँ लयमा उदाएका एक प्रतिभा हुन् बिपुल क्षेत्री । उनै बिपुल कटु सत्यको त्यो लोकप्रिय भनाईलाई पुर्न परिभाषित गर्नुपर्नेगरि चम्किन सफल भएका छन् विश्वभरका नेपालीमाझ ।

त्यसैले पनि संगितको आयाम र धारमा आफ्नै परिचय बनाएका युवा गायक बिपुल क्षेत्रीलाई चिनाउन थप विशेषता खोजिरहनै पर्दैन ।

गायन मात्र नभई रचना, संगित र धुनमा आफ्नै कला भर्न खप्पिस बिपुल त्यहि भएर नेपाली सांगितिक क्षेत्रमा नयाँ धारको बिगुल फुक्न सफल छन् ।

उनै सफल र लोकप्रिय युवा गायक बिपुल क्षेत्रीलाई आफ्नो सांगितिक समुहसँगै जापानमा रहेका नेपालीहरुमाझ गर्न लागेको विशेष सांगितिक कन्सर्टको सम्पूर्ण तयारी सकिएको आयोजक गोरेटो प्रोडक्सनले जानकारी दिएको छ ।

दृश्यमा बिरलै तर संगितमा बढी चम्किएका गायक विपुल क्षेत्री एण्ड ट्राभलिङ व्याण्ड यही जनवरी १५ तारिख आइतबारका दिन टोकियो स्थित रुने कोदाइरा हलमा गुञ्जिने छ ।

एक दर्जन बढी आफ्ना चर्चीत र लोकप्रिय गितहरु जापानका नेपालीमाझ पस्कने तयारीमा रहेको सांगितिक व्याण्ड यसको लागि ११ तारिखमा जापान आइपुग्ने पक्का भएको आयोजक गोरेटो प्रोडक्सनले टपनेपालन्युजडटकमलाई जानकारी दिएको छ ।

१३ सय सिट क्षमताको हलमा जापानमा बिरलै भएका नेपाली कार्यक्रममा आफुलाई दर्ज गरेको गोरेटो प्रोडक्सन कार्यक्रम हुन हप्तादिन बाँकी रहँदै ६ सय बढी टिकट विक्रि हुँदा थप हौसिएको छ ।

गोरेटो प्रोडक्सनले दिएको जानकारी अनुसार राजधानी टोकियो सहित नजिकका तोचिगी, इबाराकीसम्मका सयौं युवा युवतीहरुले टिकट लिएका छन् ।

अन्तराष्टिय स्तरको स्टेज सहित साउण्ड र लाइट सिस्टमबाट भव्य बनिरहेको रुने कोदाईरा हल सेइबु सिन्जुकु लाईनको कोदाईरा स्टेशनको ठिक अगाडी भएका कारण समेत कन्सर्टमा आउने चाहनेहरुको लागि सहज र पायक बन्न पुगेको छ ।

आयोजक गोरेटो प्रोडक्सनले गित संगितको रमाईलोसँगै अत्याधुनिक साउण्ड र लाइट सिस्टम एवं डिजिटल पर्दा लगायतबाट समेत कन्सर्ट देखाएर विपुल क्षेत्री एण्ड ट्राभलिङ व्याण्डको यो कन्सर्ट ऐतिहाँसिक स्मरणको बनाउने व्यवस्थापन गरिररहेको छ ।


विपुल क्षेत्री एण्ड द ट्राभलिंग ब्याण्डको जापान यात्रा

पहिलो पटक सम्पूर्ण टिम सहित जापान आइपुग्न लागेको विपुल क्षेत्री एण्ड द ट्राभलिंग ब्याण्ड जनवरी ११ का दिन टोक्यो आइपुग्ने भएको छ ।

टोलीमा विपुल क्षेत्री लगाएत सम्पूर्ण ब्याण्डका सदस्यहरुका साथै नेपालका साउण्ड इन्जीनियर समेत गरि जम्मा ८ जना जापान आउने भएका छन् ।

विपुल क्षेत्रीका कन्सर्टहरु उत्कृस्ट एबं सफल बनाउनमा उनलाई साथ दिने द ट्राभलिंग ब्याण्डका संगीतकारहरुको पनि उत्तिकै भूमिका रहँदै आएको छ । जसका सदस्यहरु आफैंमा सफल संगीतकार सँगै कुशल र लोकप्रिय छन् ।

आयोजक गोरेटो प्रोडक्सनका अनुसार अग्रिम टिकट लिनेहरुका लागि ५ सय जापानी येन कम अर्थात् ३५ सय जापानी येन मात्र पर्दछ । यसबाहेक कन्सर्ट हलको अहिल्लो र माथिल्लो दिर्घामा पहिलो स्थानको सिट पाइने भएका कारण पनि कार्यक्रम स्थलमा नभई केहीदिन तथा टिकट बुकिगंको क्रम ह्वात्तै बढेको आयोजकले बताएको छ । यसका साथै कन्सर्टको मुख्य प्रायोजक रहेको जापान रेमिट फाइनान्सबाट नेपाल पैसा पठाउँदा सबैले विशेष सहुलियत पाउने भएका छन् ।

जापानमा रहेका नेपालीहरुबिच हुन लागेको पहिलो बृहत कन्सर्टमा नेपालीहरुबिच मेल हुने अवसर सहित नेपाली संगितको भेल बग्ने १५ जनवरी आइतबारको लागि टिकटहरु सिमित हुँदै गएकाले आयोजक गोरेटो प्रोडक्सनले समयमै टिकट लिन समेत सबैलाई अनुरोध गरेको छ ।

साँझ ५ बजेबाट सुरु हुने कन्सर्टको लागि ४ बजेनै हल खुल्ला हुने र कन्सर्ट समयमै सुरु हुने भन्दै आयोजकले सबैलाई समयमै उपस्थितिको लागि विशेष अनुरोध समेत गरेको छ ।

पहिलो तस्विरमा विपुल क्षेत्री एण्ड द ट्राभलिंग ब्याण्डका संगीतकारहरु
बायाबाट क्रमश ः
अचिन्त खरे : किबोर्ड तथा मेलोडिका
प्रणई गुरुङ : लिड गितार तथा ब्याक भोकल
अमान सिंह राथोड : द्रम्स
विपुल क्षेत्री : भोकल तथा गितार
राहुल राई : बास गितार
किरण नेपाली : सारंगी तथा तुंगना
तस्विर: दिपित राज

कार्यक्रमबारे आयोजकको जानकारी र सम्पर्क यहाँबाट गर्न सकिन्छ
Bipul Chettri & the travelling band live in JAPAN (TOKYO)!!!
Date: 2017 January 15th, Sunday
Venue: TOKYO (Rune Kodaira Hall)
Access: Kodaira Station
(Just 1 min walk from station)
24 mins to Kodaira station from Takadanobaba Station
Gate open at: 16:00 PM
Live Start: Sharp 17:00 PM
Ticket Price: ¥3500 (Advance)
¥4000 (On door)

For Booking Please Message Us.. Goreto Production

थप समाचार पढ्न तलको लिंकमा क्लिक गर्नुहोस्

१५ जनवरी जापानमा 'विपुल क्षेत्री एन्ड ट्राभलिङ ब्यान्ड'को भव्य कन्सर्ट