'हाम्रो लमजुङ, राम्रो लमजुङ' भन्दै जापानका लमजुङगेहरु भोलि भेला हुँदै

Posted on: January 07, 2017 | views: 411

टोकियो ।
जापानमा बस्दै आएका नेपाल लमजुङ जिल्ला निवासी नेपालीहरुले आफ्नो एकताको लागि भोली आइतबार पहिलो साधारण सभा गर्ने भएका छन् ।

लमजुङ जिल्लाबाट विभिन्न पेशा तथा व्यवसायले जापानमा आइ बसोबास गरेका लमजुङ्गेहरूको छाता संस्था 'लमजुङ समाज जापान'ले नयाँ वर्षको शुरूवात सँगसँगै प्रथम साधारण सभाको आयोजना गर्न लागेको हो ।

टोकियोको इकेबुकुरोस्थित फुनावरी डाइनिङ्ग एण्ड बारमा दिउँसो १ बजेदेखि कार्यक्रम हुन गइरहेको छ ।

'हाम्रो लमजुङ्ग, राम्रो लमजुङ्ग' भन्ने मूल नाराका साथ जापानमा रहेका लमजुङ्गेहरू एकजुट भइ समग्र लमजुङ्ग जिल्लाको विकास र जापानमा रहेका लमजुङ्गेहरूको साथ र सहयोगको लागि समाजको स्थापना भएको संस्थाले बताएको छ ।

विस्तृत जानकारीको लागि ०९०-९३९५-१८४३, ०९०-९४०५-५६३६, ०८०-३६०५-८९४३ सम्पर्क नम्बर रहेको छ ।