ग्लोबल सपना र साइड बाइ साइडद्धारा रामेछापको शैक्षिक बिकासमा ७ लाख रुपैयाँ बराबरको ल्यापटप सहयोग

Posted on: January 06, 2017 | views: 1293

टोकियो ।
व्यवसायिक कम्पनी ग्लोबल सपना ग्रुप र साइड बाइ साइड इन्टरनेशनल रोटरी क्लव अफ टोकियो शिबुयाले रामछोप जिल्लाको शैक्षिक बिकासको लागि ७ लाख रुपैयाँ बराकरको ल्यापटक सहयोग गरेको छ ।

आज (जनवरी ६ तारिख) राजधानी टोकियोको इइदाबासीमा रहेको ग्लोबल सपना कम्पनीको कार्यालयमा एक कार्यक्रमका बिच ग्लोबल कम्पनीका प्रमूख तथा सफल युवा व्यवसायि भूवन अधिकारी र साइड बाइ साइडका प्रमुख सासाकी कोजीले संयूक्त रुपमा ८ थान ल्यापटप रामेछाप समाज जापानका अध्यक्ष उत्तम कुमार श्रेष्ठलाई हस्तान्तरण गर्नुभएको हो ।

सो अवसरमा प्राप्त सहयोग रामेछाप जिल्लाको विद्यालय श्री जनता मावि श्री पशुपती सेकेण्डरी स्कुल नागाइवाको लागि सहयोग गरिने जानकारी दिइयो । सहयोग गरिएका ल्यापटपहरु सोम लामा, शिक्षा शान्ति वाइबा, चन्द्रमान तामागं लगायतको रोहबरमा हस्तान्तरण गरिएको थियो ।

सहयोग गरिएको एप्पल कम्पनीका ल्यापटप बुझ्दै रामेछाप समाज जापानका अध्यक्ष उत्तम कुमार श्रेष्ठले प्राप्त सहयोग रामेछाप जिल्लाको शैक्षिक विकासमा सहयोगी सावित हुने विश्वास व्यक्त गर्नुभयो ।

अध्यक्ष श्रेष्ठले रामेछाप जिल्लाको दूर्गम क्षेत्रका विद्यालयमा ल्यापटप र पुस्तकालय स्थापनाको लागि ग्लोबल सपना ग्रुप र यसका प्रमूख भूवन अधिकारीबाट प्राप्त सहयोगको लागि धन्यवाद दिंदै प्राप्त सहयोग लक्षित समुहले पाउनेगरि छिट्टै ल्यापटपहरु नेपाल पठाउने समेत बताउनुभयो ।

यसैबिच रामेछाप समाज जापानले गत डिसेम्बर ११ तारिखमा गरेको सांस्कृतिक कार्यक्रमको बारेमा केहीदिनमा पत्रकार सम्मेलन गरेर जानकारी दिने भएको छ ।

संस्थाका अध्यक्ष उत्तम कुमार श्रेष्ठले टपनेपालन्युजडटकमलाई दिनुभएको जानकारी अनुसार बाचौं र बचाऔं, मानव सेवा नै धर्म हो भन्ने मूल नारा सहित रामेछाप जिल्लाको दूर्गम क्षेत्रमा एम्बुलेन्स सेवा सहयोगको लागि डिसेम्बर ११ तारिखमा आयोजना गरिएको रामेछाप सांस्कृतिक साँझको प्राप्त सहयोग, खर्च र बचत रकम र आगामी योजनाबारे केहीदिन भित्रै सम्पूर्ण विवरण सार्वजनिक गर्ने बताउनुभयो ।


यस्तो रह्यो 'रामेछाप सांस्कृतिक साँझ' (भिडियो सहित)

ग्लोबल सपनाद्धारा फुकुसिमा भूकम्प प्रभावितको लागि कार सहयोग