'बिनोद तुलाचनको निधन मध्यपान नभई लिभर खराब र अचेत'-टासी लामा

Posted on: January 05, 2017 | views: 2339

टोकियो ।
गएराती निधन भएका नेपाली बिनोद तुलाचनको अत्यधिक मध्यपानका कारण नभई लिभर खराब र उनी अचेत भएर लडेको धेरै समय हुँदा निधन हुन पुगेको तुलाचनका साथि टासी लामाले जानकारी दिएका छन् ।

'उनको साथिहरु भनेको हामीनै हौं' टेलिफोन सम्पर्कमा एनआरएन जापानका उपाध्यक्ष समेत रहेका लामाले भने-'पहिले देखिनै उसको लिभर खराब थियो, नयाँ बर्षमा एकदुई प्याक खाएको हो तर घरमा एक्लै बान्ता गरेर बेहोस भएर लडेको रहेछ एक घण्टापछि मात्र श्रीमतीले थाहा पाएर अस्पताल लैजाँदा निधन भइसकेछ ।'

यसअघि टपनेपालन्युजडटकम र अन्य अनलाईनमा अध्यधिक मादक पदार्थनै निधनको कारण भएकोमा दुख व्यक्त गर्दै लामाले यस्तो दुखद घडीमा परिवारजन र साथिभाईसँग सोधेर मात्र समाचार लेखिदिन समेत आग्रह गर्दै ८ तारिखका दिन दाहसंस्कार गरिने भएका तुलाचनको अन्तिम संस्कारमा साथ र सहयोग गर्न सबैमा आग्रह समेत गरेका छन् ।