जापानमा अचेत भएका तुलाचनको अस्पताल लैजाँदा लैजाँदै निधन

Posted on: January 05, 2017 | views: 8726

प्रेमिला गौचन-टोकियो ।
जापानको राजधानी टोक्यो स्थित तोगोशी गिन्जा बस्दै आएका ४२ वर्षीय बिनोद तुलाचनको अकस्मात निधन भएको छ ।

नेपालमा चितवन मुग्लिङ स्थायि घर भएका तुलाचन करिब ९ वर्ष देखी सपरिवार जापानमा बस्दै आएका थिए ।

सामान्य युरिक एसिडको बिरामी भएपनि त्यति गम्भिर नभएको परिवारका सदस्यहरुले बताएका छन् ।

प्राप्त जानकारी अनुसार अँग्रेजि नयाँ बर्ष २०१७ को पूर्व सन्ध्यादेखी साथिभाई र परिवारसँगै अत्यधिक मादक पदार्थ खाएका उनको यसकै कारण निधन भएको हो ।

अत्यधिक मादक पदार्थ सेवनबाट बेहोस भइ ढलेका उनलाई एम्बुलेन्समा राखेर तत्काल अस्पताल लगिएपनि मृत घोषणा गरिएको बताइएको छ ।

गएराती करिब १० बजे निधन भएका तुलाचनको प्रहरी अनुसन्धान लगायत अन्तिम सन्स्कारको दिन पनि सबै तय भई सकेको जानकारीमा आएको छ ।

तुलाचनको अन्तिम सन्स्कार यही जनवरी ८ तारिखमा गरिने जानकारी प्राप्त भएको छ ।

६ महिना पहिले मात्र पिताको निधनमा नेपाल गएर तुलाचन सपरिवार जापान आएको थियो ।

प्रेमिला गौचनबाट प्राप्त समाचार

यद्यपी जापानमा रहेका नेपालीहरुमा बढ्दो मादक पदार्थ सेवनको संस्कृति र लतले यस्ता दुखद घटनाहरु बढ्न सक्नेमा सबै नेपालीहरु सचेत हुनुपर्ने देखीन्छ ।तुलाचनको निधन र मादक पदार्थ कारण भएको जानकारीमा आएपनि अस्पतालको रिपोर्ट नआइसकेकाले यसको आधिकारीक पूष्टि भने हुन बाँकी छ ।

विशेषगरि नेपालीहरुको चहलपहल हुने सिन्जुकु, ओकुबो, सिनओकुबो लगायत स्थानमा मादक पदार्थ सेवन गरेर होहल्ला तथा झै झगडा हुन थालेपछि जापानमा रहेका नेपालीहरुमाथिनै जापान प्रहरीले निगरानी बढाएको नेपाली अनलाईन मिडियाहरुले यसअघिनै लेख्दै आएका छन् ।

पछिल्लो समय जापानमा रहेका नेपालीहरुबिच मादक पदार्थ सेवनका कारण हुने सामुहिक झै झगडा तथा विवादका घटनाहरु घट्ने क्रम बढेको पाइन्छ ।

पुनस्च : यसअघि प्रकाशित यस समाचारको शिर्षकमा विभिन्न व्यक्ति तथा परिवार निकट व्यक्तिहरुले सच्याउन आग्रह गरेका कारण सच्याइएको छ । धन्यवाद ।
सम्पादक