टोकियो आसपास मध्यरात भूकम्पको धक्का, खतरा छैन

Posted on: January 04, 2017 | views: 489

टोकियो ।
केहीबेर अघि राजधानी टोकियो आसपास भूकम्पको धक्का महसुस गरिएको छ ।

जापानको भूकम्प मापन केन्द्र मेटोरोलोजिकल एजेन्सीका अनुसार फुकुसीमा केन ओकि केन्द्र भएर जनवरी ५ तारिख राती १२ बजेर ४६ मिनेटमा ५.३ रेक्टर स्केलको भूकम्प गएको हो ।

भूकम्पका कारण सुत्न लागेका र सुतिसकेका व्यक्तिहरु सजक बनेका थिए ।

राजधानी टोकियो आसपास भूकम्पको धक्का राम्रोसँग अनुभव गरिएपनि भूकम्पबाट सुनामी लगाएत कुनै खतरा नरहेको बताइएको छ ।

जापानमा यस्ता सानाठूला भूकम्पका धक्काहरु दिनहुँ जस्तै गइरहन्छ । ६ दिन अघि समेत आजकै स्थान केन्द्र भएर ५.६ रेक्टर स्केलको भूकम्प गएको थियो ।