तमु धीं को आयोजनामा २२ औं ल्होसार साँझ सम्पन्न

Posted on: January 04, 2017 | views: 352

टोकियो ।
तमु धीं जापानको आयोजनामा भएको २२ औं ल्होसार साँझ सफलतापूर्वक सम्पन्न भएको छ ।

२२ औं ल्होसार साँझमा गुरुङ चलचित्रका नृत्य निर्देशक अरमान गुरुङ साथमा स्थानीय कलाकारहरुबाट गुरुङ नृत्य र सांगीतिक प्रस्तुतिहरु देखाइनुका साथै एड्ज ब्याण्ड र नोपसोल ब्याण्डले विभिन्न सांगितिक प्रस्तुतीहरु देखाएका थिए ।

गुरुङ कला संस्कृति, भेषभूषा र मौलिक पहिचानका पहिरनले सजिएर आएकाहरुले कार्यक्रममा भरपुर मनोरञ्जन लिएका थिए ।

तमु धीं जापानका अध्यक्ष श्री गुरुङको सभापतित्व तथा वरिष्ठ उपाध्यक्ष अनिता गुरुङ संयोजक रहेको २२ औं ल्होसार साँझ २०१७ का प्रमुख अतिथि एनआरएनए आईसीसी सदस्य ओम गुरुङको विशेष अथितिमा कार्यक्रम सम्पन्न भएको हो ।


कार्यक्रमको उद्घाटन जनजाति महासंघ जापानका अध्यक्ष पासांग शेर्पा तथा तमु धीं जापानका अध्यक्ष श्री गुरुङ समेतले सयुक्त रुपमा रिबन काटेर उद्घाटन गरेका थिए ।

उक्त कार्यक्रमको अवसर परि तमु धीं जापानका पूर्व अध्यक्ष हर्क गुरुङ र भिम गुरुङलाई तमु धींको विकासमा विशेष योगदान गरे बापत वर्तमान अध्यक्ष श्री गुरुङले खादा लगाई तामापत्र सहित सम्मान गरेका थिए ।

तस्विर साभार Nabin Gurung को फेसबुकबाट