पार्टी मिलेपछि जापानमा रहेको राप्रपा प्रवासी संगठनपनि एकता हुँदै

Posted on: December 20, 2016 | views: 345

टोकियो ।
माउ पार्टी राप्राप र राप्रपा नेपाल पार्टीको एकीकरण भएपछि जापानमा रहेका यसका प्रवासी संगठनहरुबिच पनि एकता हुने भएको छ ।

जापानमा रहेको प्रवासी नेपाली संघठन जापान ओनो जापानको एकता भेला हुने भएको हो ।

आगामी २५ डिसेम्बर आईतवारका दिन एकता भेला हुनुका साथै ओनो जापानका नयाँ पधाधिकारीहरुलाई प्रशिक्षण दिइने बताइएको छ ।

कार्यक्रममा ओनो जापानका पूर्व अध्यक्ष, पधाधिकारी, सदस्यहरुलाई आमन्त्रण गरी सम्मान समेत गरिने भएको छ ।

भेलाले पृथ्बिनारायण शाहको जन्मजयन्तिलाई एकता दिबसको रुपमा जापानमा मनाउने तयारी समेत गरेको बताइएको छ ।

ओनो जापानले संगठनमा हालसम्म आवद्ध व्यक्ति, अन्य राजनीतिक दलका भातृ संघ संगठन, बुद्दिजिबी, संचारकर्मी लगायत सबैलाई कार्यक्रममा उपस्थितिको लागि अनुरोध गरेको छ ।