चिरन्जीवी थापाको व्यक्तिगत पहलमा थारु बस्तिमा ३० लाखको सोलार प्लान्ट

Posted on: December 17, 2016 | views: 420

टोकियो ।
जापानमा रहँदै आउनुभएका व्यवसायि चिरन्जीवी थापाले व्यक्तिगत सहयोगमा दाङ जिल्लाको विकट बस्तिमा ३० लाख रुपैयाँ बराबरको सोलार व्यानल सहयोग गरेका छन् ।

सिंचाइ र खाने पानीको लागी जापानी प्रबिधिको सोला पम्पिङ हस्तान्तरण गरिएको थापाले जनाएका छन् ।

थापाका अनुसार सोलार प्यानल इसाका जापान र जापान नेपाल क्लिन इनर्जि मार्फत थारु समुदायलाई सो सहयोग निशुल्क गरिएको छ ।

गैरआवासीय नेपाली संघ एनआरएनए जापानका सल्लाहकार समेत रहेका थापाले शुक्रवार एक समारोह वीच मन्त्री दीपक गिरीको उपस्थितिमा समुदायमै पुगेर सोलार हस्तान्तरण गरेका हुन् ।



थारु समुदायको बसोबास रहेको सो ठाउँमा सिंचाइको अभाव तथा विद्युत सुविधा कमै व्यक्तिले प्रयोग गर्दै आएकोमा थापाको यो सहयोगबाट करिव बीस बिघा जमिनमा सिंचाई पुग्नुका साथै दुई सय घर प्रत्यक्ष रुपमा लाभान्वित हुने भएका छन् ।