अल्पायुमा निधन हुनुभएकी मथुरादेवीको दाहसंस्कारमा सहयोग संकलन सुरु

Posted on: December 12, 2016 | views: 986

टोकियो ।
जन्मथलो नेपाल फर्कन लाग्दा अल्पायुमै बाटोमै निधन हुनु भएकी मथुरादेवी भण्डारीको दाहसंस्कारको लागि जापानभर आर्थिक संकलथ थालिएको छ ।

आर्थिक संकलनमा साथ दिन चितवन समाज जापानले विज्ञप्ति निकालेर अनुरोध समेत गरेको छ ।

चितवन समाज जापानले जारी गरेको विज्ञप्ति अनुसार चितवन भरतपुर उपमहानगर पालिका गुन्जानगर घर भई हाल डिपेन्डेन्ट भिषामा जापान रहनु भएकी ४२ वर्षिया मथुरा देबी भण्डारीको असामयिक निधनपछि यो दुखद घडीमा सहयोगको अनुरोध गरिएको छ ।

दुई छोरा र श्रीमान संगै टोकियोमा बस्दै आऊनु भएकी भण्डारीको ११ गते आइतवार नेपाल जाने क्रममा गाह्रो भएपछि अस्पताल जाँदा अकस्मात अस्पतालमा नै निधन भएको थियो ।

करीब छ महिना अघि फोक्सोमा क्यान्सर भएको पत्ता लागेपछी जापानमै उपचार गरी रहनु भएकी भण्डारीले नेपालमै बसेर उपचार गर्न ईच्छा गरेपछि नेपाल जाने क्रममा दुखद घटना भएको परिवारका सदस्यहरुले जानकारी दिएका छन् ।

मृतक मथुरादेवीका श्रीमान ईन्द्र भण्डारीले लामो समय देखी लगातार उपचार गरी रहँदा धेरै खर्च भएकाले आर्थिक अवस्था समेत कमजोर भएको भन्दै सहयोग अनुरोध गनुभएपछि सहयोगको सुरुवात भएको हो ।

दाहसंस्कारका लागि लाग्ने खर्चका लागि सहयोग संकलन थालिएको भन्दै चितवन समाज जापानले मृतक भण्डारीको शब शदगतको लागि आबश्यक खर्चमा सहयोग गर्न सम्पूर्ण नेपाली समुदाय, संघ संस्था सँग सहयोगको अपेक्षा राख्दै विज्ञप्ति निकालेको छ ।

रकम सहयोगको लागि चितवन समाज जापानको 10100-65518101 जेपी बैंक खातामा रकम जम्मा गर्न सकिने छ ।

जापानबाट नेपाल जान हिँडेकी नेपाली महिलाको बाटैमा मृत्यु