यौन शोषण र समस्यामा परेका विद्यार्थीलाई नेसाजले सहयोग गर्ने

Posted on: December 10, 2016 | views: 758

टोकियो ।
नेपाली विद्यार्थी समाज जापानले ओकिनावामा अध्ययनरत समस्यामा परेका मनेपाली विद्यार्थीहरुलाई सहयोग अभियान सुरु गरेको छ ।

सो क्षेत्रमा अध्ययनरत नेपाली छात्रामाथि यौन शोषण तथा विभिन्न मानव अधिकार हनन समेत हुने गरेको खवरपछि विद्यार्थी समाजले सहयोगको अभियान सुरु गर्न लगेको हो ।

समाजले सो क्षेत्रका विद्यार्थीहरुको लागि सहयोग गर्न ओकिनावा सिटी संयोजक कृष्ण घिसिगं मार्फत सहयोग अभियान सुरु गरेको जनाएको छ ।

नेसाज अध्यक्ष दीपक विक्रम थापा क्षेत्रीको नाममा जारी विज्ञप्ति अनुसार सबै विद्यार्थीहरुलाई एकजुट हुन आग्रह समेत गरिएको छ ।

सहयोग लिनको लागि सम्पर्कमा आउन र आफ्ना समस्याहरु बताउन अनुरोध गर्दै समाजले ओकिनावा संयोजक घिसिंगको फोन नम्वर ०८०-४६९५-४०९७ मा सम्पर्क राख्न अनुरोध गरेको छ ।

जापान ओकिनावामा अध्ययनरत नेपाली युवतीहरुमाथि यौन शोषण र समस्यामा परेको खवर सार्वजनिक भएपछि विभिन्न क्षेत्रबाट चासो व्यक्त गरिनुका साथै नेपाली राजदूतावास जापानले समेत दोसी उपर कारवाहीको प्रक्रिया अघि बढाएको बताएको छ ।