नेपाली दूतावासद्धारा नेपाली विद्यार्थीमाथि यौन शोषण गर्नेमाथि कडा कारवाहीको चेतावनी

Posted on: December 10, 2016 | views: 2066

टोकियो ।
जापानको ओकिनामा अध्ययनरत नेपाली युवतीहरुमाथि यौन शोषण र जापानी विद्यालयहरुले अनावश्यक दवाव दिएको विषयमा नेपाली राजदूतावासले बोलेको छ ।

टोकियो स्थित नेपाली राजदूतावासले ओकिनावाका नेपाली महिला विद्यार्थीहरु माथी हुने यौनजन्य शोषण सहित मानव अधिकार उल्लंघन गर्नेमाथि कडा कारवाहीको चेतावनी दिएको छ ।

टोकियो स्थित नेपाली राजदूतावासका कार्यवाहक राजदूत कृष्णचन्द्र अर्यालले घटनाबारे दूतावासले जानकारी लिने काम भइरहेको बताएका छन् ।

कावा राजदूत अर्यालले नेपाली माथि भएका यौन हिंसामा संलग्न दोषीलाई कडा कारवाहीको लागि दूतावासले पहल थालेको बताए ।

दूतावासले दोसी उपर कारवाहीको लागि जानकारी लिने काम र जापानी अधिकारीहरुसँग समन्वयन गरिरहेको भन्दै कावा राजदूत अर्यालले जापानमा रहेका नेपालीहरुको हित तथा सुरक्षामा दूतावासले कुनै कसर बाँकी नराख्ने बताए ।

ओकिनावा क्षेत्रमा रहेका भाषा विद्यालयले नेपाली विद्यार्थीहरुको कागजात खोसेर राखेको बिषयमा ति विद्यालयहरुसँग जवाफ माग गरिने र आवश्यक कारवाहीको लागि समेत प्रक्रिया अघि बढाइने अर्यालले बताएका छन् ।

उनले यसको लागि जापानमा रहेका सबै संघसंस्था सहित नेपाली समुदायलाई सहयोग गरिदिन आग्रह समेत गरेका छन् ।