नेपाल ब्रर्दश क्लवले जित्यो जेआरएफ प्रभु गोल्डकप फुटसल उपाधी

Posted on: December 07, 2016 | views: 192

टोकियो ।
प्रथम जेआरएफ प्रभु गोल्डकप फुटसलको उपाधि नेपाल ब्रर्दश क्लवले जितेको छ ।

टोकियोमा आईतवार भएको खेलमा टोकियो ब्रर्दशलाई ट्राईब्रेकरमा २(१ गोल अन्तरले हराउदै नेपाल ब्रदर्शले उपाधी उचालेको हो ।
उपाधी सहित नेपाल ब्रदर्शले नगद दुईलाख एक जापानी येन प्राप्त गर्यो भने उपविजेता बनेको टोकियो ब्रर्दशले नगद एक लाख एक येन पाएको छ ।

कुल २० टिमको सहभागिता रहेको प्रतियोगिताको सेमिफाईनलमा नेपाल ब्रर्दशले राईजिङ नेपाल क्लवलाई ट्राईब्रेकरमा २(१ गोल अन्तरले हराउदै फाईलन पुगेको थियो ।

खेलमा टोकियो ब्रदर्शले गुरिल्लाज युथक्लवलाई ३(२ गोल अन्तरले हराएको थियो।

प्रतियोगितामा उत्कृष्ट खेलाडी दिपेन गुरुङ, उत्कृष्ट रक्षक दिपक मानन्धर उच्च गोलकर्ता विजय गुरुङ र वेस्ट प्लेयर असिम शाक्य घोषित भए भने भेट्रान वेस्ट सुटर अवार्ड प्रकाश थापाले पाए ।

विजयी क्लव तथा खेलाडीहरुलाई प्रमुख अतिथि जेआरएफ रेमिटका अध्यक्ष सुनि सरवार सहित एनआरएनए जापानका कार्यवाहक अध्यक्ष टासी वाङदी लामा, एनआरएनए जापान कान्तो संयोजक प्रकाश थापा, तमुधीँ जापानका अध्यक्ष श्री गुरुङ, नेपाल जापान युथ क्लवका अध्यक्ष लेलिन भट्टचन, जेआरएफ रेमिटका निर्देशक राजिव श्रेष्ठ, नेपालका पूर्व राष्ट्रिय फुटवल खेलाडी बसन्त गौचन, बुद्ध गुरुङ र जेआरएफ रेमिटका वातानावे लगायतले पुरस्कार प्रदान गरेका थिए ।भएको थियो ।

कार्यक्रममा पूर्व भलिवल राष्ट्रिय खेलाडी श्री गुरुङ र नेपाली राष्ट्रिय फुटवल खेलाडी बसन्त गौचनलाई सम्मान समेत गरिएको थियो।