जापानमा रहेका नेपालीको स्वास्थ्य हितको लागि 'विजुली मेसिन' प्रदर्शन हुँदै

Posted on: December 06, 2016 | views: 655

टोकियो ।
विज्ञानमा आधारित रहेर बनाईएको पहिलो नेपाली चलचित्र बिजुली मेसिन जापानमा रहेका नेपालीहरुको हितको लागि प्रदर्शन हुने भएको छ ।

आवाजबाट पनि बिजुली निकाल्न सकिन्छ भन्ने किशोर बैज्ञानिकहरुको कथालाई प्रस्तुत गरिएको चलचित्र जापानमा मानसिक स्वास्थ्य तथा आत्महत्या रोकथामको अभियानलाई सहयोग गर्ने उदेश्य सहित प्रदर्शन हुने भएको छ ।

मंसिर १७ गते शुक्रवार बाट नेपालमा प्रदर्शन भइरहेको चलचित्र बिजुली मेसिनमा नविन अवालको लेखन तथा निर्देशन रहेको छ ।

अभिषेक सुवेदी, जीवन अधिकारी, वुद्धि तामाङ, अशेष लुइटेल, जीवन भट्टराई, रेलिजा श्रेष्ठ लगायतका कलाकारको अभिनय रहेको चलचित्रमा महानायक राजेश हमालको विशेष भूमिका देख्न सकिन्छ ।

राजधानी काठमाडौंका किशोर बैज्ञानिकहरुले आवाजबाट पनि विद्युत निकाल्न सकिन्छ भन्ने आविश्कार, त्यसलाई प्रमाणित गर्न र प्रयोग गर्न व्यहोर्नुपरेको दुखलाई प्रस्तुत गरिएको चलचित्र सन्देशमुलक रहेको छ ।
नेपालका दर्जनौं हलहरुमा यो चलचित्र हाल सफल प्रदर्शन भइरहेको छ ।

आत्महत्या रोकथाम तथा मानसिक स्वास्थ्य समस्या समाधानको लागि चलचित्र बिजुली मेसिन निम्न मिति र स्थानमा देखाइने भएको छ ।

मिति : १७ डिसेम्वर २०१६ शनिबार

समय : ६ बजे बेलुका

टिकट दर

क ) ३००० जापानी येन

ख ) १०००० जापानी येन ( अभियान टि सर्ट सहित )

ठेगाना : TOKYO-TO, SHINJUKU-KU, OKUBO 1-14-18, BARIYU OKUBO B1

सम्पर्क : 090-8054-7404 ( Dr.Bijay Gyawali)

स्टेशन : SHIN OKUBO (YAMANOTE LINE) OKUBOB (IR LINE)

हल : BARACADE GOOD TIMES

साइन्स फिक्सन फिल्म ‘बिजुली मसिन’को ट्रेलर आयो


जानकारी

विगत केहि वर्ष देखि हामी नेपाली समुदायको संख्या बिदेशी भुमिमा बढ्दै गएको कुरा सर्वविदितै छ | बिदेशी भुमिमा नेपालीको सख्या बढे संगै पछिल्ला दिनमा आप्रबाशि हामी नेपालीहरुमा पनि केहि समस्या देखिन थालेको छ | व्यस्त जीवनशैली, विविधता र अन्य विविध समस्याका कारण विभिन्न प्रकारका मानसिक समस्या र आत्महत्याका घटना बढ्दै गरेको अनुभूति हामीले गर्दै आएका छौं |बैदेशिक रोजगार परबर्तन केन्द्रको तथ्याकका अनुसार बिदेशी भुमिमा हुने नेपालीको मृत्युको कारणमा आत्महत्या प्रमुख कारणमा पर्छ | पछिल्लो आर्थिक वर्षमा बिदेशी भुमिमा नेपाली कामदार ८८० जनाको मृत्यु भएकोमा ९१ जनाले आत्महत्या गरेका थिए जुन अघिल्लो वर्ष भन्दा १६ प्रतिशत बढी हो | जापानमा पनि बिगत ५ वर्ष भित्र १६ जना नेपालिले आत्महत्या गरेको तथ्याकले देखाएको छ | यसै प्रसँगमा मानशिक स्वास्थ्य तथा  आत्महत्या रोकथाम अभियानले जापान , नेपाल र कोरियाका बिभिन्न शहरमा गर्न गैरहेको बिशेस जनचेतना अभियानको निम्ती टोकियोमा  बिशेस च्यारिटि कार्यक्रम गरि नेपालि फिल्म बिजुलि मेशीन प्रदसन गरी सहयोग सङ्कलन  कार्य गर्न गैइरहेको छ |
बिदेशी भुमिमा नेपालीहरुमा जीवन शैली ,मानशिक स्वास्थ्य र आत्महत्या नियन्त्रण जस्ता समस्या बढे  २०११ देखि  क्लिनिकल मनोबिज्ञ डा. विजय ज्ञवालीले सुरुवात गर्नु भएको यो अभियानले नेपाल र जापानका विभिन्न सहरमा कार्यक्रम गरिसकेको छ | यसले मानशिक स्वास्थ्य र आत्महत्या सुन्य समाजको परिकल्पनालाइ आफ्नो मुख्य उद्देस्स्य बनाएको छ | यो अभियानले हाल सम्म विदेशी भुमिमा हुने मानसिक समस्या र यसको निराकरण ,मानशिक स्वास्थ्य र तनाब ब्यबस्थापन ,आत्महत्या नियन्त्रण सहयोगी तालिम, प्राथमिक मनोबैज्ञानिक तालिम जस्ता बिसय बस्तुमा कार्यक्रम गर्दै आएको छ | आगामी बर्ष जापान मात्र नभएर अन्य मुलुकमा यो अभियान बिस्तार गर्ने , जापानका प्रतेक ठुला शहरमा कार्यक्रम गर्ने र नेपालमा मेची महाकाली जनचेतना अभियान गर्ने योजनाको पूर्व सन्ध्यामा यो च्यारिटी फिल्म प्रदसन् गर्न थालिएको जानकारी गराइन्छ ।
चलचित्र देखाईने मिति, स्थान र समय
मिति : १७ डिसेम्वर २०१६ शनिबार
समय : ६ बजे बेलुका
टिकट दर :क) ३००० जापानी येन 

         ख) १०००० जापानी येन ( अभियान टि सर्ट सहित )

ठेगाना : TOKYO-TO, SHINJUKU-KU, OKUBO 1-14-18, BARIYU OKUBO B1

सम्पर्क : 090-8054-7404 (डा. बिजय ज्ञवाली) 

स्टेशन : SHIN OKUBO (YAMANOTE LINE) OKUBOB (IR LINE)

हल : BARACADE GOOD TIMES
                         
                         डा. बिजय ज्ञवाली
 मानशिक स्वास्थ्य तथा आत्महत्या रोकथाम अभियान