एनआरएनए जापानले नेतासंग भेटघाट कार्यक्रम गर्यो

Posted on: December 02, 2016 | views: 437

टोकियो ।
नेपाली कांग्रेसका वरिष्ठ नेता  एवं पुर्व उपप्रधानमन्त्री रामचन्द्र पौडेल  का साथ उहॉको धर्म पत्नी ,नेकपा एमालेका स्थाई कमिटि सदस्य यवं पुर्ब बन तथा भुसंरक्षण मन्त्रि किरण गुरुङ , नेपाली कान्ग्रेसका केन्द्रिय सदस्य एवं सभासद राजेन्द्र कुमार केसी र नेकपा एमालेका बैकल्पिक केन्द्रीय सदस्य यवं प्रवास इन्चाज राजन राईको विशेष उपस्थितिमा मिति २०१६ नोभेम्बर ३० तारिखका दिन टोकियो मा एनआरएनए जापानले भेटघाट ताथा स्वागत कार्यक्रमको आयोजना गर्यो ।

कार्यक्रममा एनआरएनए आईसिसि उपाध्यक्ष भवन भट्ट, एशिया प्यासिफिक संयोजक किरण बिक्रम थापा,आईसिसि सदस्य ओम गरुङ, एनआरएनए जापानका सल्लाहकार सरद गौचन, तिलक मल्ल, चिरंजीवी थापा,सालिकराम भण्डारी,नेपाली जनसम्पर्क समिति जापान का सभापति डिपि कडेंल, आईसिसि युवा प्रतिनिधि लेलिन भट्टचन,ओएनएफ जापानका अध्यक्ष महेन्द्र श्रेष्ठ, अन्तर्राष्ट्रीय नेपाली समाजका अध्यक्ष पदम ठगुन्ना लगायतका ब्यक्तितवहरुले स्वागत मनतव्य रहेको कार्यक्रमको सभापतित्व एनआरएनए जापानका उपाध्यक्ष तथा कार्यवाहक अध्यक्ष टासि वा लामाले गर्नु हुदै अतिथिहरुलाई फुलको गुच्छा सहित खादा ओडाएर सम्मान गर्नु भएको थियो । साथै एनआरएनए जापानकी सदस्य सबिता श्रेष्ठ ले ब्याच लगाई सहयोग गर्नु भएको थियो ।

एनआरएनए का उपाध्यक्ष देविलाल भण्डारीवाट एनआरएनए जापानको तर्फ बाट स्वागत मनतव्य रहेको उक्त कार्यक्रम एनआरएनए जापानका सचिव बुद्धि राज घिमिरेले सन्चालन गरेका थिए ।


अतिथि नेतागण बाट टोस्ट प्रस्ताव संगै जलपानको ब्यवस्था पनि गरिएको थियो । कार्यक्रम मा नेता गण हरुले जापान भ्रमणको उदेश्य र नेपालको बर्तमान राजनितिक स्थिति का बारेमा आफ्ना भनाई राख्नु भएको थियो। कार्यक्रममा जापान स्थित बिभिन्न संघ सस्थाहरुको बाक्लो उपस्थिति रहेको थियो ।

यस कार्यक्रममा महत्वपूर्ण भूमिका खेल्नु हुने सम्पूर्ण संघ संस्था र सिन्गो नेपाली समुदायलाई हार्दिक धन्यवाद दिईएको थियो ।

एनआरएन जापानबाट प्राप्त समाचार