एमाले भातृसंस्था जापान ओएनएफ नेतृत्वमा पाँचजनाको भिडन्त

Posted on: November 27, 2016 | views: 192

टोकियो ।
नेकपा एमाले समर्थकहरुको जापानमा रहेको संगठन प्रवासी नेपाली मंच जापानको नेतृत्वमा चारजना प्रतिस्पर्धि देखिएका छन् ।

हिजोबाट सुरु भएको अधिवेशनले आज आईतवार साँझ नयाँ नेतृत्व चयन गर्दै सकिने कार्यक्रम छ ।

नयाँ नेतृत्वको लागि मोहन रायमाझी, अर्जुन अधिकारी, महेन्द्र श्रेष्ठ र राजकुमार पण्डित देखा परेका छन् ।

महेन्द्र श्रेष्ठलाई वरिष्ठताका आधारमा संयोजक चयन गर्ने प्रयास भइरहेको बुझिएको छ । नेतृत्वमा आकांक्षी बनेका सबै पार्टी अध्यक्ष केपी ओलि समर्थक हुन् ।

वर्तमान अध्यक्ष कृष्णबहादुर खड्काले अध्यक्षमा दावेदारी नगरि श्रेष्ठलाई नै सहयोग गरिरहेका कारण पनि उनको नाममा समर्थन जुट्ने देखिएको छ ।

अर्का प्रत्यासि राजकुमार पण्डितलाई रायमाझी र केसी समुहले सहयोग गर्ने देखिएपछि नेतृत्वमा दुई जनाको अन्तिम प्रतिस्पर्धा हुने देखिएको छ ।

कार्यक्रममा प्रमुख अतिथिका रुपमा एमाले नेता किरण गुरुङ जापान आएका छन् । उनले निर्वाचन भन्दापनि सर्वसम्मत भन्दै नेतृत्वमा आफुले रुचाएका श्रेष्ठको पक्षमा समर्थन जुटाउन लागि परेका छन् । नेता किरण गुरुङ पनि पार्टी अध्यक्ष ओली समर्थक हुन् ।

नेतृत्वमा सर्वसम्मको नाममा नेताहरुको भागवण्डामा नेतृत्व चयनको प्रयास भइरहेपनि उपस्थित एमाले समर्थकहरुले भने निर्वाचनबाटै नेतृत्व चयन हुनुपर्ने मत राखिरहेका छन् ।

प्रवासी नेपाली मंच ओएनएफ जापानको नयाँ नेतृत्व दुई बर्षको रहेको छ । जसमा उपाध्यक्षमा बावुराम भण्डारी, सुन्दर पौडेल, जीवन अर्याल लगायतले उम्मेदवारी दिएका छन् ।

यस्तै महासचिवमा राजेन्द्र श्रेष्ठ सहित कुलचन्द्र खरेल समेत देखिएका छन् । सचिवमा भने पर्शुराम बस्नेत र कोषाध्यक्षमा पशुपति गिरी अगाडी देखिएका छन् ।

२५ सदस्यिय कार्यसमिति निर्वाचनको लागि आज भइरहेको अधिवेशन ओएनएफ जापानको २०औं अधिवेशन हो । आज अबेर सम्ममा नेतृत्व चयन गर्दै अधिवेशन सकिने कार्यक्रम रहेको छ ।