५४ बर्षपछि टोकियोमा नोभेम्वरमै हिउँ पर्यो (फोटो फिचर)

Posted on: November 24, 2016 | views: 479

९ मंसिर, टोकियो ।
५४ बर्षपछि जापानको राजधानी टोकियोमा आज नोभेम्वर महिनामै हिमपात भएको छ ।

बुधवार साँझबाटै चिसिएको मौसमसँगै जापानको मौसम पूर्वानुमान एजेन्सीले मध्यरातबाटै हिउँपर्न थाल्ने बताएको थियो ।

झण्डै तीन पुस्ताले एकै पटक नोभेम्वरमा नै हिउँको अनुभव गर्न पाएका छन् ।

५४ बर्षअघि हिउँ पर्दाको अनुभव विर्सिसकेका तथा बाल्यकाल रहेकाहरुले मात्र यसपाली दोस्रो पटक नोभेम्वरमा हिउको अनुभव गर्न पाएको जापानी समाचार संस्थाहरुले व्याख्या गरेका छन् ।

सामान्य त १० देखी १५ डिग्रि तापक्रम रहने समयमा हिजोबाट मौसममा बदलाव आएपछि हिजो बिहानै आजको लागि हिउँ पर्ने अनुमान सहित खवरहरु प्रशारण भएका थिए ।

अनुमान गरिएजस्तो भारि हिमपात अहिलेसम्म नभएपनि केही स्थानमा भने सार्वजनिक सवारीहरु आवागमनमा असर परेको देखिएको छ ।

जापानको मूख्य यातायातको सेवा रेल सेवा कतैपनि पूर्ण रुपमा ठप्प नभएको भन्दै जापानी समाचार संस्था एनएचकेले अधिकाशं ठाउँमा ढिलो गरि रेल सेवा सञ्चालन भइरहेको बताएको छ ।

नियमीत समयभन्दा केही ढिलो गरि रेल सेवा चल्दा यात्रुहरुलाई समस्या परिरहेको छ ।

कुन ठाउँमा कत्तिको हिउँ पर्दैछ यो पढ्नुहोस्

जापानमा ५४ बर्षपछि आज भारी हिमपात हुँदै, रेल सेवा अवरुद्ध हुनसक्ने