सुनामीको खतरा/असरबाट बच्न यि उपाय अपनाइ हाल्नुस्

Posted on: November 21, 2016 | views: 1097

टोकियो ।
जापानमा आज बिहान ६ बजेर २ मिनेटको समयमा गएको ७.३ रेक्टरको भूकम्पपछि भूकम्पको केन्द्र रहेको फुकुसीमामा गम्भिर सुनामीको चेतावनी जारि गरिएको छ ।

सुनामीका कारण फुकुसीमा क्षेत्रको समुन्द्री किनारमा ठूलो क्षति व्यहोर्नु पर्ने हुनसक्ने भन्दै जापानी अधिकारीहरुले तत्काल सो क्षेत्रबाट नागरिकहरुलाई सुरक्षित स्थानमा जान भनिरहेका छन् ।

सुनामीबाट बच्न यि उपाय अपनाइहाल्नुस्

१. सकेसम्म नजिकका अग्लो स्थानमा गइहाल्नुस् ।

२. संभव भए अग्लो जमिनमा र नभए नजिकको अग्लो घरको माथिल्लो तल्लामा जानुहोला ।

३. साथमा रहेको मोबाइल, आइप्याड, ल्यापटप सहित चार्ज गर्न मिल्ने पोर्टेबल चार्जर, थोरै भएपनि पानी, केही प्याकिगं खाना र भए केही पैसा पनि बोक्नुहोला ।

४. नजिकका आफन्त तथा साथिहरुको सम्पर्कमा रहनुहोला ।

५. अत्यावश्यक उद्दार संयन्त्र, सुरक्षा निकाय लगायत सरकारी कार्यालयको नम्वर सम्झेर मोबाइलमा राखिराख्नुहोला ।

६. सुरक्षित स्थानमा रहँदा समुहमा बस्नुहोला ।

७. आफुसँग साथमा भएमा पानीमा तैरने हलुका खालको कपडा वा सामग्री बोक्नु भए राम्रो हुन्छ ।

८. साथमा छन् भने अत्यावश्यक केही औषधि पनि बोक्नुभए सजिलो हुन्छ ।

९. सुनामीको चेतावनी हटेको पूर्ण जानकारी नआइकन सुनामी चेतावनी जारि गरिएका क्षेत्रमा नफर्कनुहोला ।

१०. अत्यावश्यक ठानेर समय छैन भने कृपया सुनामी आउने समय अघि सुरक्षित स्थानमा पुग्न गाह्रो हुनेगरि गह्रौं सामान नबोक्नुहोला । निरन्तर सरकारले जारी गरेका सूचना र जापानी नागरिकहरुसँगै रहनुहोला । जसले गर्दा भाषामा केही कठिनाइ भएमा उनिहरुसँगै रहँदा उद्दारमा सहयोग पाउनुहुनेछ ।


यस बाहेक स्थानिय अवस्था र ठाउँ हेरेर सुरक्षित रहन उपाय अपनाउनुहुन अनुरोध गरिन्छ ।

कृपयाँ आफुबारेका जानकारीहरु सामाजिक सञ्जाल सहित नजिकका साथि तथा परिवारमा निरन्तर दिइराख्नुहोला ।


जापानमा ७.३ रेक्टरको शक्तिशालि भूकम्प, सुनामीको चेतावनी (LIVE VIDEO/अपडेट)