जापानमा ७.३ रेक्टरको शक्तिशालि भूकम्प, सुनामीको चेतावनी (LIVE VIDEO/अपडेट)

Posted on: November 21, 2016 | views: 14576

२२ नोभेम्वर, टोकियो ।
जापानमा आज बिहान स्थानिय समय अनुसार बिहान ६ बजेर २ मिनेटमा ७.३ रेक्टर स्केलको शक्तिशाली भूकम्प गएको छ ।

भूकम्प जापानको फुकुसीमा, इबाराकी केन वकी केन्द्र भएर गएको भूकम्प लगत्तै तटीय क्षेत्रहरुमा सुनामीको चेतावनी जारी गरिएको छ ।

जापानको भूकम्प मापन केन्द्र जापान मेटेरोलोजिकल एजेन्सीले आफ्नो अनलाईनमा उल्लेख गरे अनुसार सुनामीको चेतावनी विशेषगरि फुकुसीमा क्षेत्रको भूकम्प केन्द्र रहेको नजिकका तटिय क्षेत्रमा जारी गरिएको छ । सुनामी १० मिटर उचाइ सम्मको आउन सक्ने समेत जापान मेटेरोलोजिकल एजेन्सीलाई उदृत गर्दै विविसीले उल्लेख गरेको छ ।

भूकम्पको अनुभव जापानभर गरिएको थियो । भूकम्पको मापन उच्चतम ७.३ रेक्टरको मापन गरिएको र यो ६.९ रेक्टरको न्युनतम मापनमा रोकिएको अमेरिकी भूगर्भ विभागलाई उदृत गर्दै इन्डिपेन्डेन्ट समाचार संस्थाले उल्लेख गरेको छ ।

जापान सरकारले भूकम्प पछि सुनामीको चेतावनी जारि गरिएका तटिय क्षेत्र सचेत रहन भन्दै घर बाहिर ननिक्लन अनुरोध सहित उक्त क्षेत्रमा आवश्य उद्दार र सहयोगको लागि निर्देशन दिइसकेको जापानी टेलिभिजनहरुले प्रशारण गरिररहेका छन् ।

जापानी अधिकारीहरुले फुकुसीमा क्षेत्रको तटिय क्षेत्रमा सुनामीको गम्भिर खतरा बढेको भन्दै त्यहाँ रहेका नागरिकहरुलाई अग्लो घर तथा अग्लो क्षेत्रहरुमा जान अनुरोध गरेको छ ।

आफुहरुले उद्दार टोलीलाई तत्काल खटाइसकेको भएपनि त्यो ढिलो हुनसक्ने भन्दै तत्काल सुरक्षित स्थानमा जान जापानी अधिकारीहरुले विशेष अनुरोध गरिरहेका छन् ।

सुनामी २० किलोमिटरको प्रतिघण्टामा आउने देखिएको र यो विनाशकारी समेत हुनसक्ने भन्दै जापानी अधिकारीहरुले टेलिभिजन, रेडियो तथा मोबाइलमा सन्देश पठाएर उक्त क्षेत्रमा रहेका नागरिकहरुलाई हट्न भनिरहेका छन् ।

...........
यस्तै समुन्द्र किनार क्षेत्रमा खतराको घण्टी एकोहोरो बजाइ राखिएको छ । जापानी अधिकारीहरुले विशेषगरि प्रत्यक्ष टेलिभिजन मार्फत तत्काल समुन्द्र किनारमा रहेका घरमा रहेका नागरिकलाई अग्लो स्थानमा जान अनुरोध गरिरहेका छन् ।

अग्लो स्थान नभएमा अग्लो घरमा जान भनेका छन् । साथमा न्यानो कपडा र अत्यावश्यक सामग्री केही साथमा लैजान समेत भनेका छन् ।


पहिलो ७.३ रेक्टर स्केलको शक्तिशालि भूकम्प लगत्तै पुन सोही मापन केन्द्रको भूकम्प गएको थियो । त्यसपछि पनि ५ रेक्टर स्केल र त्यो भन्दा साना भूकम्पको पराकम्पनहरु गइरहेका छन् ।

सुनामी ६० सेन्टिमिटर सम्मको अग्लो छाल सहित आउने र यो त्यो भन्दा बढी पनि हुनसक्ने जापानी अधिकारीहरुले बताइरहेका छन् ।
................

सुनामीको चेतावनी जारि गरिएका क्षेत्रमा हेलिकोप्टर सहितको विशेष उद्दार टोली व्यापक खटाएको बताएको छ ।

साथै जापानी अधिकारीहरुले सुनामीको चेतावनी जारि गरिएको क्षेत्रमा खतरा हटेको सूचना जारि नभएसम्म नफर्कन समेत अनुरोध गरेका छन् ।

भूकम्प पछि कुनै गम्भिर क्षति वा मृत्यु र घाइते भएका खवर नआइसकेको भन्दै जापानी अधिकारीहरुले आफुहरुले नजिकबाट सुनामीको खतरालाई नियालीरहेको बताए ।