जापानमा एक अर्ब चोरी काण्डमा चार ताईवानी पक्राउ

Posted on: November 21, 2016 | views: 627

टोकियो ।
करिव एक अर्ब जापानी येन चोरीबारे छानविन गरिरहेको जापान प्रहरीले संदिग्ध ठानिएका चार ताईवानीलाई पक्राउ गरेको छ ।

गत बिहिबार मात्र खुलासा भएको सो रकम चोरीमा सिसिटीभि फुटेजका आधारमा भन्दै जापानी प्रहरीले ती चार ताईवानीलाई पक्राउ गरेको जपानी समाचार संस्थाहरुले उल्लेख गरेका छन् ।

जापानी प्रहरीले अवैध रुपमा यूनियन पे बाट रकम झिक्ने काममा संलग्न रहेको आधारमा ६ महिनाको अनुसन्धानपछि उनिहरुलाई पक्रिएको बताइएको छ ।

पक्राउ परेका चार मध्ये २२ बर्षीय ताइवानी चि चिङ हसिङ नाम गरेका युवाले यूनियन पे कार्डबाट ४ चार लाख ५० हजार यान अर्थात ४ हजार १ सय अमेरिकी डलर बैङ्कको एटिएमबाट निकालेको पुष्टि भएको छ ।

सन् २००२ बाट संचालनमा आएको यूनियन पे कार्ड डेबिट र क्रेडिट दुबै रुपमा प्रयोग गर्न सकिन्छ ।

यसबाट प्रयोगकर्ताहरु एटिएमबाट नगद झिक्न र व्यापारिक प्रयोजनका लागि प्रयोग गर्दै आएका छन् ।

यूनियन पे कार्ड चिनमा लोकप्रिय रहेको छ । जापानमा पनि प्रायः चिनीयाँ नागरिकहरु सामान किन्नको लागि यसको प्रयोग गर्ने गर्दछन् ।